Zechariah 9 - The Minor Prophets 1881 (John Davies, Ietwen)

1Proffwydoliaeth feichus gair yr Arglwydd yn nhir Hadrac;

A Damascus fydd yn orphwysfa iddo:

Canys y mae i’r Arglwydd lygad ar ddyn;

Ac ar holl Iwythau Israel.

2A Hamath hefyd a derfyna wrthi:

Tyrus a Sidon;

Canys doeth iawn ydyw.

3Ac adeiladodd Tyrus ymddiffynfa iddi:

Ac a dyrodd arian fel llwch;

Ac aur fel llaid yr heolydd.

4Wele yr Arglwydd a’i meddiana hi;

Ac a dery ei nerth hi yn y môr:

A hi a ysir â thân.

5Ashcelon a wel ac a ofna,

A Gaza, ac a ymofidia yn ddirfawr;

Ac Ecron, am y pâr ei gobaith gywilydd:

A derfydd brenin o Gaza;

Ac Ashcelon ni chyfaneddir.

6Ac estron a drig yn Ashdod:

A thoraf ymaith falchder y Philistiaid.

7A mi a gymeraf ymaith ei waed o’i enau,

A’i ffieidd-derau oddirhwng ei ddanedd:

Ac yntau hefyd a weddillir i’n Duw ni:

Ac a fydd megys penteulu yn Judah;

Ac Ecron megys Jebusiad.

8A gwersyllaf i’m tŷ rhag llu,

Rhag a elo a rhag a ddychwelo:

A gorthrymwr ni thramwya yn eu herbyn mwyach:

Canys yn awr gwelais â’m llygaid.

9Bydd lawen iawn ferch Sïon,

Crechwena ferch Jerusalem;

Wele dy frenin a ddaw atat;

Uniawn a buddugol yw Efe:

Addfwyn

ac yn marchogaeth ar asyn;

Ac ar ebol llwdn asenod.

10A thoraf ymaith gerbyd o Ephraim,

A march o Jerusalem;

A thorir ymaith fwa rhyfel;

Ac efe a lefara heddwch wrth y cenedloedd:

A’i lywodraeth fydd o fôr hyd fôr;

Ac o’r afon hyd derfynau daear.

11Tithau hefyd o herwydd gwaed cyfamod â thi,

Gollyngais dy garcharorion o budew heb ddwfr ynddo.

12Trowch i ymddiffynfa;

Y carcharorion gobeithiol:

Ië, heddyw yr wyf yn mynegi y talaf yn ddeublyg i ti.

13Canys plygais Judah i mi yn fwa,

Llenwais Ephraim;

A chyffroais dy feibion di Sïon:

Yn erbyn dy feibion di Iafan:

A gosodais di fel cleddyf gŵr grymus.

14A’r Arglwydd a edrych arnynt,

A’i saeth a â allan fel mellten:

A’r Arglwydd lôr a seinia yn yr udgorn;

Ac a gerdd yn nghorwyntoedd y deheu.

15Arglwydd y lluoedd a orchuddia drostynt,

A dyfethant a sangant ar geryg tafl;

Ac yfant, trystiant megys gan win:

A llenwir hwynt fel mail;

Fel conglau allor.

16A’r Arglwydd eu Duw a’u hachub hwynt yn y dydd hwnw,

Ei bobl fel praidd:

Canys byddant yn feini coffadwriaeth;

Yn ymgodi ar ei dir ef.

17Canys faint yw ei ddaioni ef,

A faint ei brydferthwch ef:

Yd a wna i wŷr ieuainc flaguro,

A gwin wyryfon.