1 Ioan 1 - Prophets and Epistles 1852-62 (John Owen)

Pen. I.

1Yr hyn a fu o’r dechreu, yr hyn a glywsom, yr hyn a welsom â’n llygaid, yr hyn a edrychasom arno, ac a deimlodd ein dwylaw, am Air y bywyd

2(ac amlygwyd y bywyd, a gwelsom, a thystiolaethwn, a mynegwn i chwi, y bywyd tragywyddol, yr hwn oedd gyda’r Tad ac a amlygwyd i ni) —

3yr hyn a welsom ac a glywsom, a fynegwn i chwi, fel y caffoch chwi hefyd gymdeithas gyda ni, a’n cymdeithas ni yn wir sydd â’r Tad ac â’i Fab Ef Iesu Grist.

4A’r pethau hyn a ysgrifenwn atoch, fel y byddo eich llawenydd yn gyflawn.

5A hon yw y genadwri, yr hon a glywsom ganddo, ac a fynegwn i chwi, mai goleuni yw Duw, ac nad oes ynddo ddim tywyllwch.

6Os dywedwn fod genym gymdeithas âg Ef, a rhodio yn y tywyllwch, celwyddwn, ac ni ddywedwn y gwir:

7ond os rhodiwn yn y goleuni, fel ag y mae Efe yn y goleuni, y mae genym gymdeithas â’n gilydd; a glanhâ ni waed Iesu Grist ei Fab oddiwrth bob pechod.

8Os dywedwn nad oes ynom bechod, twyllwn ein hunain, a’r gwir nid yw ynom.

9Os cyfaddefwn ein pechodau, ffyddlawn ydyw a chyfiawn, i faddeu i ni ein pechodau, ac i’n glanhâu oddiwrth bob anwiredd.

10Os dywedwn na phechasom, gwnawn Ef yn gelwyddog, a’i air nid yw ynom.