Galarnad Ieremia 5 - Prophets and Epistles 1852-62 (John Owen)

1Cofia, Iehofa, beth a ddaeth i ni,

Edrych a gwel ein gwaradwydd.

2Ein hetifeddiaeth, trowyd hi i estroniaid,

Ein tai i ddyeithriaid!

3Yn amddifaid yr aethom, heb dad;

Ein mamau ydynt fel gweddwon.

4Ein dwfr, am arian yr yfasom,

Ein coed, am werth y daw i ni:

5Ar ein gwarau yr erlidir ni,

Ni a flinir, nid oes i ni orphwys.

6I’r Aiphtiaid y rhoddasom law,

I’r Assyriaid, er cael ein diwallu â bara.

7Ein tadau, pechasant ac nid ydynt,

Nyni, eu cosb a ddygwn:

8Gweision a lywodraethasant arnom;

Gwaredydd, nid oes o’u llaw.

9A’n bywyd y ceisiasom ein bara,

O herwydd cleddyf yr anialwch.

10Ein croen, fel ffwrn y duodd,

O herwydd gerwinderau y newyn.

11Gwragedd yn Sion a ostyngwyd,

Morwynion yn ninasoedd Iowda:

12Tywysogion, wrth eu llaw a grogwyd;

Wynebau henafgwyr nid anrhydeddwyd.

13Y gwŷr ieuanc a gymerasant i falu,

A’r plant, tan y coed y syrthiasant.

14Yr henafgwyr, o’r porth y peidiasant;

Y gwŷr ieuanc, oddiwrth eu cerdd.

15Darfu gorfoledd eu calon,

Trodd yn alar eu pibellu,

16Syrthiodd coron ein pen,

Gwae yn awr sydd i ni o herwydd pechu.

17Am hyn llewygodd ein calon,

Am y pethau hyn tywyllodd ein llygaid —

18Am fynydd Sïon, sydd anghyfannedd,

A llwynogod a rodiasant arno.

19Ti, Iehofa, dros byth yr eisteddi,

Dy orseddfa sydd dros oesoedd:

20Pam yn barhâus yr anghofi ni,

Y gadewi ni dros hir ddyddiau?

21Dychwel ni atat, Iehofa, fel y dychwelom;

Adnewydda ein dyddiau megys cynt:

22Canys yn ddiau gan wrthod gwrthodaist ni,

Ffromaist wrthym yn ddirfawr.