Hosea 10 - Prophets and Epistles 1852-62 (John Owen)

PENNOD X.

1Gwinwydden ordyfol yw Israel;

Y ffrwyth a gyfateb iddi ei hun:

Yn ol amlder ei ffrwyth, yr amlhaodd allorau;

Yn ol daioni ei dir, yr harddasant ddelwau.

2Ymranodd eu calon, yn awr berni hwynt yn euog;

Efe — tor i lawr eu hallorau, dystrywia eu delwau.

3Ond yn awr dywedant, “Nid oes brenin genym,

O herwydd nid ofnasom yr Arglwydd;

A brenin — beth a all wneyd i ni?”

4Llefarasant eiriau, llwon ofer,

Wrth wneuthur cyfammod;

Felly egina farnedigaeth fel y wermod

Sydd ar hyd rhychau y maes.

5Am lo mawr Beafen

Y dychryna preswylwyr Samaria;

Canys galara drosto ei bobl,

Ei offeiriaid hefyd (am dano a orfoleddent)

O herwydd ei ogoniant, gan yr ymadawodd oddiwrtho;

6Efe hefyd i Assyria a ddygir

Yn anrheg i’r brenin cynhenus:

Gwarth a dderbyn Ephraim,

Ïe, cywilyddia Israel am ei gynghor,

7Dinystrir Samaria; ei brenin,

Bydd fel ewyn ar wyneb y dwfr:

8A dystrywir uchelfëydd Afen — pechod Israel;

Drain a mïeri a dyfant dros eu hallorau,

A dywedant wrth y mynyddoedd, “Cuddiwch ni,”

Ac wrth y bryniau, “Syrthiwch arnom.”

9Er dyddiau Gibea pechaist di, Israel;

Yno y safasant:

Ni fena arnynt y rhyfel yn Gibea yn erbyn plant trawsder:

10Yn fy mwriad y mae, a cheryddaf hwynt;

A chasgla yn eu herbyn genedloedd,

Pan y ceryddwyf hwynt am eu dau anwiredd.

11Ond Ephraim — anner a ddysgwyd yw, yn caru dyrnu;

A myfi — aethum heibio iddi o herwydd harddwch ei gwddf:

“Gwnaf Ephraim i farchogaeth,

Ardda Iowda, llyfna iddo Iacob:

12Heuwch i chwi yn ol cyfiawnder,

Medwch yn ol yr hyn a ofyn trugaredd;

Braenarwch i chwi fraenar;

Yna’r pryd a fydd i geisio yr Arglwydd,

Hyd oni ddelo ac y gwlawio gyflawnder i chwi.”

13 Ond arddasoch anghyfiawnder,

Gormes a fedasoch:

Ymborthasoch ar ffrwyth twyll;

Canys ymddiriedaist yn dy ffordd dy hun,

Yn amlder dy gedyrn.

14Ond cyfyd terfysg yn mysg dy bobloedd,

A’th holl gaerfanau a ddinystrir,

Fel y dinystriodd Salman Beth-arbel;

Ar ddydd y rhyfel,

Y fam yn nghyd â’i phlant a ddrylliwyd.

15Fel hyn y gwna Bethel i chwi,

O herwydd drygedd eich drygioni:

Yn fore gan ddinystrio y dinystrir brenin Israel!