1 Pedr EPISTOL CYNTAF CYFFREDINOL PEDR. - Prophets and Epistles 1852-62 (John Owen)

EPISTOL CYNTAF CYFFREDINOL PEDR.Ni fu ammheuaeth un amser ynghylch cynwynolrwydd yr Epistol hwn; cafodd ei dderbyn o’r dechreu megys rhan ddwyfol o’r Ysgrythyr. Yr oedd Pedr ar y cyntaf yn brif flaenor yn achos crefydd; ond gwedi y cynghor yn Jerusalem, yn y flwyddyn 49, a ddywedir am dano yn Act. 15, ni chawn un hanes am dano yn yr Ysgrythyr, oddieithr yr hyn a nodir yn ei gylch yn Antioc, Gal. 2:11. Gallwn gasglu oddiwrth ddechreu ei Epistol y gweinidogaethai, mewn rhan o leiaf, os nad yn benaf, yn y manau hyny a enwa ynddo.Y rhai yr ysgrifenodd atynt, medd rhai, oeddent yn Iuddewon dychweledig yn unig; ond mwy tebygol yw barn eraill, y rhai a olygant iddo ysgrifenu at Gristionogion yn gyffredinol, er yn benaf at Iuddewon.EPISTOL CYNTAF PEDR.