2 Ioane O le ‘Upu Tomua - Samoan Contemporary New Testament

O le ‘Upu Tomua‘Ua igoa le tusi ‘iā Ioane le toeaina, o lana tusi i le tama‘ita‘i filifilia. ‘Ua manino mai o le tama‘ita‘i filifilia lenei e uiga i le Ekalesia sa tausi i ai le toeaina ma o se Ekalesia ‘ua iloa lelei e le toeaina. O le ‘auga ma le ‘autū o le tusi o se fa‘amalosi‘au ‘ia tāofi mau le fa‘atuatua moni ‘iā Keriso ma ‘ia nonofo fealofani (vv. 1-6). O le isi ‘a‘ano o lenei fe‘au o le lapata‘iga i tagata ‘aulotu ‘ia latou mataala ma tete‘e atu ‘iā i latou o lo‘o a‘oa‘oina matā‘upu sesē e fa‘alēaogāina ai le tupu tagata o Iesu Keriso (vv. 7-11).O le tele o manatu a le ‘au popoto i le ‘upu a le Atua, o le Tusi lenei sa tusia i le vaitaimi po o le 90-100 vaitausaga o le Ali‘i.O le Fa‘asologa o Matā‘upu‘Upu tomua 1-3O le tāua o le Alofa 4-6Lapata‘iga i a‘oa‘oga sesē 7-11‘Upu fa‘ai‘u 12-13