Tito 2 - Samoan Contemporary New Testament

O le A‘oa‘oga e Ola ai

1‘Ia e tautala atu i le a‘oa‘oga e ola ai.

9‘Ia apoapoa‘i atu i pologa ia usiusita‘i i o latou lava matai, ia taumafai i latou e fa‘afiafia ‘iā te ia i mea uma lava, ‘aua ne‘i tali atu i ai i se ‘upu,

10pe gaoi ‘iā te i latou, a ‘ia fa‘aalia e i latou ‘ua matuā fa‘amaoni i latou, ‘ina ‘ia vi‘ia ai le a‘oa‘oga a le Atua lo tatou fa‘aola i mea uma lava.

11Auā o le alofa tunoa o le Atua ‘ua aumai ai le fa‘aolataga, ‘ua fa‘aalia lea i tagata uma lava.

12O lo‘o a‘oa‘o mai ‘iā te i tatou ia lafoa‘i le amio fa‘alēmata‘u, ma tu‘inanau fa‘alelalolagi. A ‘ia tatou nonofo fa‘autauta ma le amiotonu ‘atoa ma le amioatua i lenei lalolagi,

13fa‘apei ‘ona tatou fa‘atalitali i le aso o le manuia ‘ua tatou fa‘amoemoe i ai, o le fa‘aalia lea o le mamalu o le Atua silisili, ma lo tatou fa‘aola o Iesu Keriso.

14O lē na foa‘iina mai o ia e ia mo i tatou, ‘ina ‘ia togiolaina ai i tatou i solitulafono uma lava, ma fa‘amamā mai e ia e fai ma ona tagata, ia mā‘elegā i galuega lelei.

15‘Ia e tautala atu ma apoapoa‘i atu i nei mea, ma a‘oa‘i atu ma le pule uma lava. ‘Aua ne‘i ‘inosia oe e se isi.