1 Peteru O le ‘Upu Tomua - Samoan Contemporary New Testament

O le ‘Upu Tomua‘Ua igoa lenei tusi, o le Tusi a Peteru, o le igoa o le tasi o so‘o aloa‘ia a Iesu (1.1), ma o le tagata molimau i tigā o Keriso (5.1). Sa tusia e Peteru lenei tusi ma ‘auina atu i ē ‘ua filifilia, o lo‘o aumau solo i nu‘u o Asia, e pei o le nu‘u o Pono, Kalatia, Kapatokia ma Pitunia (1.1-2). O nei tagata (‘au filifilia), e manino mai, sa ola i se olaga fa‘apaupau a ‘ua liliu mai i le fa‘atuatuaga Kerisiano (1.14-18; 2.9-10; 4.3-4). O le ‘a‘ano moni sa tusia ai lenei tusi, o le fa‘amalosi‘au i nei tagata, ‘ina ‘ia tāofi mau lo latou fa‘atuatua ‘iā Iesu, e ui o lo‘o feagai i latou ma sauāga ma puapuagā ‘ona o Keriso. Sa tau logologo atu pea e Peteru i ē ‘ua filifilia ma le ‘aufaitau le Tala Lelei e uiga ‘iā Iesu Keriso, lona maliu, ma lona toetū mai le oti ‘ae maise fo‘i le folafolaga i lona toe afio mai ‘ia ‘avea lea ma a latou fa‘amoemoega sili. Ma e ao ai lava ‘ona ‘onosa‘i e talia nei puapuagā, o se tofotofoga o le moni o lo latou fa‘atuatua ma o le a taui atu i le aso e fa‘aalia mai ai Iesu Keriso.Sa tauānauina pea e Peteru le ‘aufaitau ‘ia ola e pei o tagata ‘ua ‘avea ma itūtino o Keriso.O le talitonuga a le ‘au popoto i le ‘upu a le Atua, o le Tusi lenei na tusia i le tausaga 64 vaitausaga o le Ali‘i.O le Fa‘asologa o Matā‘upuO le ‘Upu Fa‘afeiloa‘i 1.1-2O le Fa‘aolataga a le Atua 1.3-12O tima‘iga ‘ia ola i se olaga pa‘ia 1.13-2.10O le matāfaioi o le tagata Kerisiano i le taimi o puapuagā 2.11-4.19O le loto maulalo ma le ola tautua 5.1-11O le ‘upu mulimuli 5.12-14