1 Korinito 11 - Samoan Contemporary New Testament

1‘Ia fa‘aa‘oa‘o mai ‘outou ‘iā te a‘u, e pei ‘ona ‘ou fa‘aa‘oa‘o ‘iā Keriso.‘Ia Ufitia le Ulu pe a Tapua‘i

2‘Ou te vivi‘i atu ‘iā te ‘outou, auā ‘ua ‘outou manatua mai pea a‘u; ‘atoa ma lo ‘outou tāofi mau fo‘i i ‘uputu‘u pei ‘ona ‘ou tu‘uina atu ‘iā te ‘outou.

3‘Ae ‘ou te mana‘o ‘ia iloa e ‘outou o Keriso o le ulu o tane ta‘ito‘atasi, o le tane fo‘i o le ulu lea o le avā, o le Atua o le ulu ia o Keriso.

4So o se tane e tatalo pe vavalo ma lona ulu e ufiufi, ‘ua lē fa‘aaloalo o ia i lona ulu.

5So o se fafine e tatalo pe vavalo ma lona ulu e lē ufiufiina, ‘ua lē fa‘aaloalo i lona ulu; e tutusa lava lea ma le tafi o lona lauulu.

6Auā ‘āfai e lē ufiufiina e le fafine lona ulu, e tatau la ‘ona sele mamā lona lauulu; peita‘i ‘āfai o se mea e māasiasi ai le fafine, pe ‘āfai e sele mamā pe tafi lona lauulu, ‘ona ufiufi lea.

7E lē tatau i le tane ‘ona ufiufi lona ulu auā o le fa‘atusa ma le vi‘iga o le Atua o ia; a o le fafine o le vi‘iga o ia o le tane.

33O le mea lea, o‘u uso e, ‘āfai tou te potopoto e ‘a‘ai, ia fa‘atali le isi i le isi.

34‘Āfai ‘ua fia ‘ai se isi, e tatau ‘ona ‘ai i lona ‘āiga, ‘ina ‘ia lē ‘avea lo ‘outou potopoto ma mea e fa‘asalaina ai ‘outou. O le a ‘ou tu‘uina atu nisi fa‘atonuga e uiga i nisi mea pe a ‘ou alu atu.