2 Korinito O le ‘Upu Tomua - Samoan Contemporary New Testament

O le ‘Upu Tomua O le Lua o Tusi a Paulo i le Ekalesia Korinito, sa tusia e tali atu ai i nisi o fa‘afitauli sa feagai ma le ‘aposetolo ma le Ekalesia i Korinito. ‘Ae maise sa i ai nisi sa tete‘e atu ‘iā Paulo ma lana galuega fa‘atala‘i, ‘ae ui lava i lea sa i ai pea le loto naunauta‘i a le ‘aposetolo e fō‘ia nei fa‘afitauli.E mafai ‘ona vaevaeina le lua o tusi a Paulo i ni vaega se lua. Mai le matā‘upu 1-9, o le fiafia o Paulo i le fa‘atuatua a le Ekalesia i Korinito. ‘Ae lē gata i lea sa ia fa‘aalia fo‘i i le Ekalesia i Korinito ni fa‘afitauli sa feagai ai o ia ma Timoteo i le galuega fa‘a‘aposetolo. I le matā‘upu 10-13, o tigā o Paulo ‘ona o vesiga i totonu o le Ekalesia i Korinito, ‘ona sa i ai ni ‘aposetolo talapepelo sa latou tala‘i atu le tala sesē i Korinito ‘atoa (11.1-33). I lenei lava matā‘upu sa i ai pea nisi sa fa‘asagatau atu i le pule fa‘a‘aposetolo a Paulo (10.1-18). ‘Ae ui lava i le tele o tete‘e, ‘ae sa finau atu pea Paulo i le moni o lana ‘au‘aunaga ma lana pule fa‘a‘aposetolo.O le tele o manatu a le ‘au popoto i le ‘upu a le Atua, o le lua o Tusi a Paulo i le Ekalesia i Korinito sa tusia i le tausaga 55 vaitausaga o le Ali‘i.O le Fa‘asologa o Matā‘upuO le ‘Upu Fa‘afeiloa‘i 1.1-11O Paulo ma le Ekalesia i Korinito 1.12-79.16O mea alofa mo tagata Kerisiano o lo‘o i Iutaia 8.1-9.15O le puipui o Paulo i lana pule fa‘a‘aposetolo 10.1-13.10O ‘upu mulimuli 13.11-13