Kalatia O le ‘Upu Tomua - Samoan Contemporary New Testament

O le ‘Upu TomuaSa amataina ‘ona tala‘iina atu fo‘i le Tala Lelei ‘iā Iesu i tagata o nu‘u ‘ese, ‘ae sa fesiligia ai fo‘i e tagata pe tatau ‘ona usiusita‘i i le Tulafono a Mose ‘ona fa‘ato‘ā ‘avea lea ma Kerisiano moni. Sa fa‘amanino lelei lava e Paulo e lē afaina lea itū, ‘ae ‘ua na o le fa‘atuatua lava o le fa‘avae moni lea o le ola ‘iā Keriso ma fa‘aleleia tagata uma i le Atua. O le Ekalesia i Kalatia o se tasi o itūmālō o le mālō o Roma i Asia itiiti, sa i ai pea nisi sa tete‘e atu ‘iā Paulo. Auā sa latou a‘oa‘oina atu e tatau i tagata uma ‘ona tausia le Tulafono a Mose ‘ina ‘ia ta‘uleleia tagata uma i le Atua. A o Paulo ‘ua lava ma totoe le fa‘atuatua ‘iā Iesu Keriso e maua ai le ola e fa‘avavau.‘Ae o le ‘autū moni o Le Tusi a Paulo i le Ekalesia i Kalatia o lona mā‘elegā lea e fa‘asa‘o tagata ‘ua fa‘asesēina i tala‘iga sesē ma ‘ia taumafai ‘ina ‘ia toe ‘aumaia tagata ‘ua sesē mai nei a‘oa‘oga e lē moni (1.6-10). Sa finau atu lava Paulo i le moni, o ia o le ‘aposetolo a Iesu Keriso. Auā sa vala‘auina o ia e le Atua ma ‘auina atu o ia, ‘ia faia lona finagalo ‘ae lē o se tala‘iga fa‘aletagata (1.11-24).O le tele o manatu a le ‘au popoto i le Tusi Pa‘ia, o le Tusi lenei a Paulo sa tusia i le vaitaimi i le vā o le 54-57 vaitausaga o le Ali‘i.O le Fa‘asologa o Matā‘upuO le ‘Upu Fa‘afeiloa‘i 1.1-10O le pule fa‘a‘aposetolo a Paulo 1.11-2.21O le Tala Lelei o le alofa tunoa o le Atua 3.1-4.31O le sa‘olotoga ma le matāfaioi o le Kerisiano 5.1-6.10O ‘Upu mulimuli 6.11-18