1‘Āfai e i ai se isi o ‘outou ‘ua faia se finauga ma se isi tagata, e fa‘apefea ‘ea ‘ona ō atu i le tulafono i luma o le fa‘amasino amiolētonu, ‘ae lē o luma o le ‘au pa‘ia?
2Tou te lē iloa ‘ea e fa‘amasinoina le lalolagi e le ‘au pa‘ia? ‘Āfai fo‘i e fa‘amasinoina le lalolagi e ‘outou, po ‘ua lē tatau ‘ea ‘iā te ‘outou ‘ona fa‘amasino i mea aupito iti?
15Tou te lē iloa ‘ea o o ‘outou tino o itū tino o Keriso? ‘Ou te ‘ave ‘ea itū tino o Keriso ma ‘avea ma itū tino o le fafine talitane? ‘Aua ne‘i fa‘apea.
16Tou te lē iloa ‘ea o lē ‘ua fa‘atasi ma le fafine talitane ‘ua tino e tasi i lā‘ua? Auā ‘ua fa‘apea mai le tusi: “O le to‘alua e ‘avea ma tino e tasi.”
17Peita‘i o lē ‘ua fa‘atasia ma le Ali‘i, ‘ua agaga e tasi o ia ma ia.
18Inā ‘alo ‘ese ia i le faita‘aga. O isi agasala e faia e le tagata e lē afaina ai lona tino, a o le faita‘aga ‘ua fa‘aleagaina ai e ia lona lava tino.
19‘E te lē iloa ‘ea o lou tino o le malumalu o le Agaga Pa‘ia o lo‘o i totonu ‘iā te oe mai le Atua, ‘ua lē toe i ai sau pule ‘iā te oe lava?
20Auā ‘ua fa‘atauina ‘outou i le tau; O le mea lea ia vivi‘i atu ai i le Atua i o ‘outou tino ma o ‘outou agaga, o mea a le Atua ia.
Who We AreWhat We EelieveWhat We Do
2025 by iamachristian.org,Inc All rights reserved.
