Eperu 4 - Samoan Contemporary New Testament

1O lenei, manū o lo‘o i ai pea le folafolaga ia ulufale atu i lona mālōlōga, ‘ia tatou fefefe ai ‘ina ne‘i i ai se isi o ‘outou e lē o‘o i ai.

“O le aso nei ‘āfai tou te fa‘alogo ai i lona si‘ufofoga,

‘aua tou te fa‘ama‘a‘a i o ‘outou loto.”

8Auā ana fa‘ao‘o i latou e Iosua i le mālōlōga, po ‘ua lē toe ta‘uina mai e le Atua se isi aso.

9O le mea lea ‘ua tu‘uina mai ai pea lava le mālōlōga o le Sapati mo tagata o le Atua.

10Auā o lē ‘ua sao atu i lona mālōlōga, ‘ua mālōlō fo‘i o ia i ana lava galuega, fa‘apei o le Atua i ana lava galuega.

11O lenei, ‘ia tatou tauivi ‘ina ‘ia tatou sao atu i lenā mālōlōga, ne‘i i ai se isi e pa‘ū ‘ona o lona fa‘aa‘oa‘o i le fa‘alogogatā o isi tagata.

12Auā o lo‘o ola le afioga a le Atua, o lo‘o matuā galue fo‘i, o lo‘o sili fo‘i lona ma‘ai i pelu uma e fa‘atau ma‘ai itū; o lo‘o vaevae ai fo‘i e o‘o lava i le vavae‘eseina o le loto ma le agaga, ‘atoa fo‘i ma so‘oga o le tino ma ‘a‘ano o ivi, o lo‘o fa‘amasinoina fo‘i manatu ma filifiliga o le loto.

13E leai fo‘i se mea e tasi na faia e lilo i ona luma peita‘i e ta‘atia fua ma manino mea uma lava i lana silifaga; tatou te ta‘uina atu fo‘i ‘iā te ia a tatou amio.

O Iesu le Ositaulaga Silisili

14O lenei, ‘ua ia i tatou le ositaulaga silisili, ‘ua afio atu i le lagi, o Iesu le Alo o le Atua; o lea ‘ia tatou tāofi mau ai tatou ta‘utinoga.

15Auā e lē o ‘iā i tatou se ositaulaga sili o lē na te lē mafaia ‘ona tigā alofa fa‘atasi ma i tatou, i mea tatou te vāivāi ai; peita‘i o ia lava o lē sa fa‘aosoosoina i mea uma e pei o i tatou fo‘i, a ‘ua leai lava se agasala ‘iā te ia.

16O le mea lea ‘ia tatou fa‘alatalata atu ai ma le lototele i le nofoāli‘i o le alofa tunoa, ‘ina ‘ia alofagia ai i tatou, ma ‘ia maua ai fo‘i le alofa tunoa e fesoasoani mai i aso e tatau ai.