2 Tesalonia O le ‘Upu Tomua - Samoan Contemporary New Testament

O le ‘Upu TomuaO le Tusi e Lua a Paulo i le Ekalesia i Tesalonia, e pei o lana tusi muamua, o lo‘o talanoaina ai le matā‘upu e uiga i le afio mai o Keriso. Sa finau le ‘aposetolo ma fautua pea i tagata o lo‘o latou tāofiina le a‘oa‘oga moni ‘ina ‘ia tūtūmau pea i le fa‘atuatua ‘iā Keriso. Auā sa i ai nisi tagata sa latou tete‘e atu i le afio mai o le Ali‘i Iesu. (2.1-17) Sa fa‘apea fo‘i ona apoapoa‘i ma fa‘amalosi‘au Paulo i tagata, ‘ia talia tigā i sauāga ‘ona o le ‘upu moni ma le Tala Lelei. ‘Ae ao pea ‘ona ‘onosa‘i auā e fa‘amasino tonu le Atua i lo latou fa‘amaoni. (1.3-12)O le talitonuga o tagata ‘ua popoto i le su‘esu‘e i le ‘upu a le Atua, o le Tusi lenei sa tusia i le tausaga 51 vaitausaga o le Ali‘i.O le Fa‘asologa o Matā‘upuO le ‘Upu Fa‘afeiloa‘i 1.1-2O le Fa‘afetai ma Fautuaga 1.3-12O Fa‘atonuga e uiga i le afio mai o Keriso 2.1-17O apoapoa‘iga i amioga Kerisiano 3.1-15O le ‘upu mulimuli 3.16-18