1 Timoteo 3 - Samoan Contemporary New Testament

O Ta‘ita‘i i le Ekalesia

1O le ‘upu moni lenei: ‘Āfai e mana‘o se isi ia ‘avea o ia ma epikopo, ‘ua mana‘o o ia i se galuega lelei.O Tiakono i le Ekalesia

8O tiakono fo‘i e tatau ‘ona ‘avea ma tagata e fa‘aaloaloina, ‘aua ne‘i fa‘agutugutulua, ‘aua le inu tele i le uaina, ‘aua fo‘i le tu‘inanau mo ni tupe fa‘asili;

9ia tāofi mau i le mea lilo o le fa‘atuatua i le loto fuatiaifo e lelei.

10‘Ia tofotofoina muamua i latou, ‘āfai e fa‘amaonia e lē mata‘uleagaina i latou, ia ‘avea i latou ma tiakono.

11O fafine fo‘i e tatau ‘ona amiolelei, ‘aua ne‘i faitala a ‘ia fa‘autauta, ia fa‘amaoni i mea uma lava.

12O le tiakono e tatau ‘ona na o le to‘atasi lana avā, ia pulea lelei le fānau ma le ‘āiga.

13Auā o i latou e faia lelei le galuega a le tiakono e maua mo i latou lava le mamalu tele, ma o le a mafai fo‘i ‘ona latou tautala atu ma le malosi e uiga i lo tatou fa‘atuatua ‘iā Keriso Iesu.

O le Mea Lilo Sili

14‘Ua ‘ou tusi atu nei mea ‘iā te oe, a o lo‘o ‘ou fa‘amoemoe ‘ou te asiasi atu ‘iā te oe i se taimi e lē o mamao,

15‘ae peita‘i, ‘ou te tusi atu ia e iloa ai ‘āfai ‘ou te tuai atu, ‘ona e iloa ai lea le amio e tatau ‘ona faia e tagata i le ‘āiga o le Atua; auā o le ekalesia lenā a le Atua soifua, o le poutū fo‘i lea ma le lagolago o le ‘upu moni.

16Matou te ta‘utino atu, ‘ua matuā sili lava le mea lilo o i la tatou lotu.

‘Ua fa‘aalia mai o ia i le tino tagata,

‘ua fa‘aalia lana amiotonu e le Agaga.

Na va‘aia o ia e agelu,

‘ua tala‘iina atu i Nu‘u ‘ese,

‘ua fa‘atuatua i ai ē o i le lalolagi;

‘ua ‘aveina a‘e o ia i le mamalu.