1O lea mea lea na ‘ou manatu ai, ‘ou te lē toe alu atu ‘iā te ‘outou ma le tigā.‘Ia Fa‘amāgalo atu i ē e Fa‘atigā mai
5O lenei, ‘āfai ‘ua fa‘atupuina e se isi le tigā, ‘ua lē fa‘atigā mai o ia ‘iā te a‘u, ‘ae peita‘i (‘ina ne‘i ‘ou fa‘amamafa atu), ‘atoa ma ‘outou uma.
6O le fa‘asalaga ‘ua faia i lea tagata e le to‘atele, ‘ua lava lenā.
7A o lo ‘outou taimi lenei e fa‘amāgalo ai ‘iā te ia ma fa‘amalosi ‘iā te ia, ‘ina ‘ia lē fa‘atūmulia o ia i le tigā e matuā tele.
8O lea ‘ou te ‘ai‘oi atu ai ‘iā te ‘outou, ia fa‘amaoni lo ‘outou alofa ‘iā te ia.
9O le mea lea na ‘ou tusi atu ai, ‘ina ‘ia ‘ou su‘esu‘e ‘iā te ‘outou ma ‘ia iloa ai ‘ua matuā usiusita‘i ‘outou i mea uma lava.
10‘Āfai tou te fa‘amāgalo atu se mea ‘ua faia e se isi, ‘ou te fa‘amāgaloina fo‘i o ia. Auā ‘āfai ‘ua ‘ou fa‘amāgalo atu se mea i lē ‘ua ‘ou fa‘amāgaloina, ‘ua ‘ou faia lenā mea mo lo ‘outou lelei i luma o Keriso,
11‘ina ‘ia lē ‘avea e Satani lo tatou manuia, auā ‘ua tatou malamalama i ana togafiti.
O Atugaluga o Paulo i Teroa12Na ‘ou alu atu i Teroa e tāla‘i atu le Tala Lelei ‘iā Keriso, ‘ua tatalaina fo‘i le faitoto‘a ‘iā te a‘u e ‘au‘auna ai i le Ali‘i;
13‘ae e le‘i i ai se to‘afilemū o lo‘u mafaufau, auā ‘ou te le‘i maua lo‘u uso o Tito; o lea sa ‘ou fa‘amavae atu loa ‘iā te i latou ma alu atu i Maketonia.
O le Manumālō ‘iā Keriso14‘Ia tatou fa‘afetai atu i le Atua, o lē o lo‘o ta‘ita‘iina pea i matou i le manumālō ‘iā Keriso, ma fa‘asalalau atu ai le manogi o le malamalama o Keriso i so o se mea, e pei o se u‘u manogi.
15Auā o i matou o le manogi lelei o Keriso mo le Atua, ia i latou o ē ‘ua fa‘aolaina ‘atoa ma ē ‘ua fano,
16o le manogi o le oti i ē ‘ua oti, a o le manogi o le ola i ē ‘ua fa‘aolaina. O ai na te lavātia mea uma?
17Auā e lē pei i matou o le to‘atele o ē ‘ua lē fa‘amaoni i le afioga a le Atua; a ‘ua matou tautala e pei o tagata o ē e tautala ma le fa‘amaoni, o ē ‘ua ‘iā Keriso, na tofia mai e le Atua i luma fo‘i o le silafaga a le Atua.
Who We AreWhat We EelieveWhat We Do
2025 by iamachristian.org,Inc All rights reserved.
