Tito O le ‘Upu Tomua - Samoan Contemporary New Testament

O le ‘Upu TomuaO Tito o le tasi o so‘o a Paulo ma sa fesoasoani malosi o ia ‘iā Paulo i le tala‘iina atu o le Tala Lelei. Sa tofia e Paulo ‘ia Tito e fai ma ta‘ita‘i po o le leoleo mamoe i le Ekalesia o Kereta (1.5-9).Sa tusi atu Paulo ‘iā Tito e ao lava ‘ina ‘ia fa‘amalosi ma tete‘e atu i tala‘iga sesē o lo‘o ‘ua salalau i totonu o Kereta (1.10-16) ma filifili nisi toeaina e ta‘ita‘i ma fesoasoani i le fa‘alauiloaina o le ‘upu moni. (1.5-9) Sa fautuaina e le ‘aposetolo lenei ‘au‘auna (Tito) ‘ina ‘ia taumafai e a‘oa‘o atu le fa‘atuatua moni i tagata i so‘o se vasega i totonu o le Ekalesia, e pei o toeaina, lo‘omatutua, taulele‘a, ma pologa. Sa tima‘i Paulo ‘iā Tito ‘ia ola i se olaga e talafeagai ma le ola fa‘a-Kerisiano ‘ae maise le filemū ma fa‘auō ma agalelei atu i so‘o se tagata. Sa fa‘apea ‘ona apoapoa‘i Paulo ‘iā Tito ‘ia ‘alo ‘ese mai tagata o lo‘o finau vale o lo‘o vaevaeina ai le Ekalesia.O le to‘atele o tagata popoto i le ‘upu a le Atua, o le Tusi lenei sa tusia i le tausaga 65 vaitausaga o le Ali‘i.O le Fa‘asologa o Matā‘upuO le ‘Upu Fa‘afeiloa‘i 1.1-4O ta‘ita‘i o le Ekalesia 1.5-16O apoapoa‘iga i vasega ‘ese‘ese o le Ekalesia 2.1-15O Fautuaga ma Lapata‘iga 3.1-11O le ‘upu mulimuli 3.12-15