1Ang tanang mga hari nga Amorihanon sa kasadpang bahin sa Jordan ug ang tanang mga hari nga Canaanhon nga didto daplin sa Dagat sa Mediteraneo nakabalita nga gipahubas sa Ginoo ang Jordan samtang nanabok niini ang katawhan sa Israel. Nangahadlok sila ug mitalaw sa mga Israelita.
Ang Pagtuli ug ang Kasaulogan sa Pagsaylo didto sa Gilgal2Unya miingon ang Ginoo kang Josue, “Paghimog mga kutsilyo gikan sa lag-it nga bato ug panulia ang mga Israelita.”
3Busa naghimo si Josue ug mga kutsilyo ug gituli sila didto sa Bungtod nga Tulianan.
4Gibuhat niya kini tungod kay ang tanang mga lalaki nga husto nag edad sa pag-apil sa gubat sa pagbiya nila sa Ehipto nangamatay man didto sa kamingawan.
5Kay bisan tuod tinuli na ang tanang lalaki nga namiya sa Ehipto, walay usa nga natuli sa natawo panahon sa pagpanaw nila sa kamingawan.
6Ang hangtod karon.
10SamtangExo. 12:1-13. ang mga Israelita nagkampo sa Gilgal sa patag nga kasikbit sa Jerico, gihimo nila ang Kasaulogan sa Pagsaylo sa ika-14 nga adlaw sa bulan.
11Sa pagkasunod adlaw nangaon silag pagkaon nga abot sa Canaan: sinangag nga trigo ug pan nga walay patubo.
12UnyaExo. 16:35. mihunong pag-ulan ug mana ug wala na makabaton niini ang mga Israelita. Sugod niadtong tuiga nagkaon na silag pagkaon nga abot sa Canaan.
Si Josue ug ang Tawo nga may Espada13Sa duol na si Josue sa Jerico, nakakita siyag tawo nga nagbarog sa atubangan niya nga nagbitbit ug espada. Miduol si Josue kaniya ug nangutana, “Sundalo ka ba namo o kaaway?”
14Mitubag ang tawo, “Dili ako sundalo ninyo o kaaway. Ania ako ingon nga pangulo sa kasundalohan sa Ginoo.”
Ug mihapa si Josue aron pagsimba ug miingon siya, “Andam ako sa pag-alagad kanimo. Unsa bay ipabuhat mo kanako?”
15Ug giingnan siya sa pangulo sa kasundalohan sa Ginoo, “Huboa ang imong sandalyas kay ania ka sa yuta nga balaan.” Ug gituman ni Josue ang gipabuhat kaniya.
Who We AreWhat We EelieveWhat We Do
2025 by iamachristian.org,Inc All rights reserved.
