1Aleluia!
Xenhe'ẽ, eroporaei ke Senhor.
2Xee aikovea pukukue re aroporaei 'rã.
Xeruete pe aporaei 'rã aikovea ja.
3Pejerovia eme huvixa ikuai va'e re rive.
Pejerovia eme avakue ra'y kuery ikuai va'e re,
mba'eta ha'e kuery re noĩ jogueraa jepe aguã.
4Ha'e kuery nhe'ẽ oẽ ramo yvy ku'i ju 'rã opyta.
Ha'e va'e árave opa 'rã ojapo 'rã va'ekue ha'e javi.
5Ovy'a ete 'rã Jacó Ruete pe “Xepytyvõa” he'i va'e,
Senhor Nguuete oarõ va'e.
6Ha'e ae yva ha'e yvy apoare,
ye'ẽ ha'e opa mba'e hexe ikuai va'e guive.
Raka'e rã peve oiko 'rã ojeroviapy.
7Ha'evea rami oikuaa pota 'rã ombojexavaia va'e kuery re,
ha'e okaruxe va'e pe ma ome'ẽ 'rã tembi'u.
Senhor oguenoẽmba 'rã nhuã py ikuai va'ekue.
8 Senhor oipe'a 'rã ára revegua e'ỹ va'ekue rexa.
Senhor omopu'ã 'rã omo'yvyĩ'i mbyre.
Senhor oayvu 'rã heko porã va'e.
9 Senhor opena porã 'rã oyvy rupi e'ỹ oguata va'e re.
Oipytyvõ 'rã imeve'ỹ va'e ha'e tyre'ỹ kuery.
Ha'e rã heko vai va'e ikuaia ma ombovaipa 'rã.
10 Senhor oĩ 'rã huvixave raka'e rã peve.
Sião pygua kuery, Penderuete ipo'aka 'rã aỹ guive raka'e rã peve.
Aleluia!
Who We AreWhat We EelieveWhat We Do
2025 by iamachristian.org,Inc All rights reserved.
