Salmo 141 - Bible in Guaraní Mbyá

1 Senhor, ndevy ae ajapukai.

Eju pojava ke xepytyvõ!

Ndevy pe ajapukai ramo endu.

2Ajerurea toẽ ndea py heakuã porã va'e rami.

Xepo aupia toĩ ka'aru'i jave ome'ẽmby rami.

3 Senhor, ejoko xejuru,

earõ xeayvua rokẽ.

4Ajapo vaixea toĩ eme xepy'a re,

teko vai rupi aiko e'ỹ aguã

avakue joapo vai va'e ikuaia rupi e'ỹ,

ha'e kuery okaru okuapya py xee voi akaru e'ỹ aguã.

5Xevy pe heko porã va'e ijayvu ete teĩ ajou porã 'rã.

Xevy rã ijayvu okuapya ma azeite xeakã re omoĩa rami.

Xee ma naendu e'ỹi 'rã.

Heko vai va'e jajapo vai okuapy teĩ xee anhembo'e 'rã.

6Ha'e kuery rerekoa kuery omombopaa 'rã itaova guy katy.

Ha'e kuery oendu 'rã ha'evea rami xeayvua anho,

7xerupa gui xekãgue oipe'a vy ijyvýry rupi omoaĩmba teĩ,

yvy oikaraĩague rupi rive.

8Mba'eta Senhor, ndere ae ama'ẽ aikovy.

Ndere ae ajerovia va'e.

Eja eme xerekovea.

9Xereraa jepe ke heko vai va'e kuery

nhuã xã xembo'aarã omoĩ va'ekue gui.

10Heko vai va'e ae to'a nhuã omoĩ va'ekue py,

ha'e rã xee ma aikove reve taa jepe.

Ijava etea py ojerureague

Itakua py Davi oĩ jave py onhembo'eague ombopara va'ekue nhombo'e aguã (1 Samuel 24).