Salmo 12 - Bible in Guaraní Mbyá

Apu gui onhepytyvõ ukaa agueJogueroporaei va'e pe ixã irundy meme va'e py ombojoguy reve guarã Davi ombopara va'ekue.

1 Senhor, orereraa jepe ke!

Mba'eta ndevygua avakue ndoikovei.

Avakue ra'y kuery mbyte gui okanhymba ma ojeroviapy.

2Ha'e ramo anhetẽ rupi e'ỹ 'rã ijayvu jomeme,

opy'a py nhombotavy vy ijayvu mbegue rei okuapy.

3 Senhor, ejaya ijayvu mbegue rei va'e kuery rembe,

opa marã rei ijayvu va'e apekũ guive.

4Mba'eta aipoe'i okuapy: “Nhaneapekũ py 'rãe nhandepo'aka,

nhanerembe ma nhanemba'e ae.

Mava'e tu nhandere ipo'aka 'rã?” he'i okuapy.

5Ha'e ramo Senhor aipoe'i:

“Iporiaukue'i omoingo axya ha'e ojexavai va'e ipoaẽ ramo

xee aendu vy apu'ã ta aỹ.

Araa jepe 'rã aepy aguã oarõ oikovy va'e”, he'i.

6 Senhor ayvu ma iky'a e'ỹ va'e meme,

prata sete-kue oiky'a'o pyre rami,

tata rupa yapo gui ojapo pyre py.

7Tá Senhor, ndee ma orerepy 'rãe.

Aỹgua kuery gui orereraa jepe 'rã raka'e rã peve.

8Ha'e rã heko vai va'e ma opa rupi ikuai,

avakue ra'y kuery ma teko vai anho oguerovy'a.