Salmo 124 - Bible in Guaraní Mbyá

1 Senhor e'ỹ nhandea katy oiko va'e rire —

Israel kuery aipo te'i —

2Nhandere avakue opu'ã ramo

Senhor e'ỹ nhandea katy oiko va'e rire

3ha'e kuery jaikove reve nhanemokõmba 'rãgue,

nhandevy ipoxypa vy.

4Nhande'áry yy ou 'rãgue,

ty guaxu vy oaxa 'rãgue nhanderekove áry,

5yy oxyry atã va'e

oaxa 'rãgue nhanderekove áry.

6Ta'ima'endu'a porãa Senhor re,

ha'e kuery pe nanhanemondoro ukai rire haĩ py.

7Ha'e rami rã nhanenhe'ẽ oo jepe

guyra mbo'aa nhuã gui oo jepea rami.

Nhuã omondo ramo jaa jepe.

8 Senhor yva ha'e yvy apoare rery rupi

jajapukai ramo ou nhanepytyvõarã.

Jajeroviaa re nhaĩ atã aguã regua

Oguataa rupi ikuai va'e oporaei aguã.