Salmo 127 - Bible in Guaraní Mbyá

1 Senhor ae oorã ojapo e'ỹ ramo

ijapoa kuery omba'eapoa mba'everã ndovarei 'rã.

Tetã re Senhor nonhangarekoi ri ramo

harõa kuery onhangarekoa mba'everã ndovarei 'rã.

2Nda'eve ranhei ko'ẽ e'ỹ mbove nhapu'ãa,

ndajake voia, neĩ jajexavaia rupi mbojape jajoua.

Mba'eta hembiayvu kuery okepa okuapy reve voi

ha'e kuery pe ome'ẽ 'rã mba'emo.

3Nhandera'y kuery ma Senhor ome'ẽ va'ekue meme,

guyru'i gui oiko'i va'e ma nhandevy guarã ome'ẽ.

4Nhanekunumi jave nhandera'y kuery jareko va'e ma

opo py xondaro hu'y oguereko va'e rami.

5Ovy'a ete 'rã avakue hyru py oguereko reta va'e.

Tetã rokẽ py ngovaigua kuery reve jogueroayvu

teĩ nda'ipo'aka e'ỹi 'rã.

Nhanderuete renonde jajererokyjea rupi vy javy'a aguã regua

Oguataa rupi ikuai va'e oporaei aguã.