Salmo 142 - Bible in Guaraní Mbyá

1 Senhor pe ajapukai, xeayvu ainy.

Ajapukai vy xepytyvõ aguã re ajerure.

2Ixupe amombe'upa ndavy'aia,

henonde amombe'upa ajexavaia.

3Xee nanhanimavei ma aikovy ramo

ndee reikuaa 'rã aikoa ha'e javi.

Tape aguata aguã rupi xerovaigua kuery omoĩ 'rã nhuã.

4Ema'ẽ na aiporu kuaa regua re, ha'e exa pota,

mba'eta avave rei ndoikoi xerexa kuaa va'e.

Jipoi anhemi aguã,

xere avave rei noma'ẽ potai guive.

5 Senhor, ndevy pe ae ajapukai.

Ha'e vy aipoa'e: “Ndee ae anhemiaty.

Xevy guarã ndee anho reiko ko yvy re aikoa py.”

6Endu ke ajapukaia,

xekangy vaipa ete ramo.

Xereraa jepe xerakykue monha va'e kuery gui,

xegui ha'e kuery imbaraeteve ramo.

7Enoẽ xerekovea nhuã gui,

nderery rupi arovy'a aguã.

Heko porã va'e kuery oupa 'rã xeyvýry,

xevy pe ha'e rami rejapo porã rire.

Ogueraa jepe aguã ojerureague

Mboraeirã Davi ombopara va'ekue.