Salmo 138 - Bible in Guaraní Mbyá

1 Senhor, xee roguerovy'a 'rã xepy'a ha'e javi py.

Ipo'akakueve oendua py rogueroporai 'rã.

2Ndevygua templo iky'a e'ỹ va'e oĩa katy ama'ẽ reve

aĩ 'rã xerenapy'ã re nderery aroporaei aguã,

ndeporayvu ha'e ndereko porã va'e ramo.

Mba'eta opa mba'e gui remboyvateve nderery ha'e ndeayvu.

3Mba'eta ndevy pe ajapukai ramo xerepy,

xembopy'a guaxu vy xemombaraeteve guive.

4 Senhor, yvy regua huvixave kuery ha'e javi oporaei 'rã okuapy ndevy,

ndejuru gui ndeayvua oendu vy.

5Ogueroporaei 'rã Senhor reko,

Senhor rexakãa tuvixa ete ramo.

6 Senhor ma yvate ete va'eri

yvyĩgue'i re oma'ẽ avi 'rã.

Ojejou porã rei va'e kuery ha'e oikuaa mombyry gui teĩ.

7Xee ajexavai aikovy ramo

rembopyau 'rã xerekovea.

Ndepo reupi 'rã xerovaigua kuery poxya káuxa.

Reiporu kuaa regua py xereraa jepe 'rã.

8Xevy pe Senhor ojapo 'rã ojapo 'rã va'ekue ha'e javi.

Senhor, renhomboaxya ma opa va'erã e'ỹ.

Eja eme ndepo py ae remoingo va'ekue.

Nhanderuete oikuaapa ha'e ipo'akapa va'ea re ijayvua

Jogueroporaei va'e pe mboraeirã Davi ombopara va'ekue.