Waiata 129 - Maori Bible 2012(MRI2012)

He Īnoi mō te WhakamarumaruHe waiata; he pikitanga.

1He kī tēnei mā Īharaira –

“Ka maha ā rātou tūkinotanga i ahau o tōku tamarikitanga ake;

2ka maha ā rātou tūkinotanga i ahau o tōku tamarikitanga ake,

heoi, kīhai ahau i taea e rātou.

3I parautia tōku tuarā e ngā kaiparau;

he roa ā rātou parautanga.”

4He tika tā Ihowā;

motu pū i a ia ngā aho a te hunga kino.

5Kia whakamā, kia whakahokia ki muri,

te hunga katoa e kino nei ki Hiona.

6Kia rite rātou ki te tarutaru i ngā tuanui,

e memenge nei i te mea kīanō i tupu ake,

7e kore nei e kī te ringa o te kaikoti,

te uma hoki o te kaipaihere,

8e kore anō te hunga e haere ana i te taha e mea,

“Kia tau ki a koutou te manaaki a Ihowā!

Ko tā mātou manaaki tēnei ki a koutou i runga i te ingoa o Ihowā!”