Nehemia 7 - Maori Bible 2012(MRI2012)

1Nāwai ā, kua oti te taiepa te hanga, kua whakatūria ngā tatau, kua whakaritea anō ngā kaitiaki kūwaha, ngā kaiwaiata, me ngā Rīwaiti.

2Nā, ka tukua e ahau ngā tikanga mō Hiruhārama ki tōku teina, ki a Hanani rāua ko Hanania rangatira o te whare rangatira – he tangata pono hoki ia, ā, nui atu i tō te tokomaha tōna wehi ki te Atua.

3I kī atu ahau ki a rāua, “Kaua e whakatuwheratia ngā kūwaha o Hiruhārama, kia mahana rā anō te rā; i a rāua e tū ana, e tiaki ana, me tūtaki e rāua ngā tatau, ka whakaū hoki. Me whakatū anō he kaitiaki i roto i ngā tāngata o Hiruhārama, ki tāna wāhi e tiaki ai, ki te ritenga o tōna whare, o tōna whare.”

4Nā, he whārahi, he nui te pā, he torutoru ia ngā tāngata o roto; kāhore hoki ngā whare kia hangā.

Te Rārangi o ērā i Hoki mai i te Manene(Etera 2.1-70)

5Nā, ka hōmai e tōku Atua ki roto ki tōku ngākau kia huihuia ngā rangatira, me ngā tāngata rarahi, me te iwi, kia whakapapa ai rātou. I kitea hoki e ahau te pukapuka whakapapa o te hunga i haere mai i te tīmatanga. I kitea anō kua tuhituhia ki roto:

6Ko ngā tama ēnei o te kāwanatanga i haere mai i te whakarau, nō te hunga i whakahekea, nō ērā i whakahekea atu e Nepukaneha kīngi o Papurōna, ā, hoki ana ki Hiruhārama, ki Hūrā; ki tōna pā, ki tōna pā.

7I haere mai rātou ko Herupapera, ko Hehua, ko Nehemia, ko Atāria, ko Raamia, ko Nahamani, ko Mororekai, ko Pirihana, ko Mihiperete, ko Pikiwai, ko Nehumu, ko Paana.

Ko te tokomaha tēnei o ngā tāngata o te iwi o Īharaira:

8Ko ngā tama a Paroho, e rua mano kotahi rau e whitu tekau mā rua.

9Ko ngā tama a Hepatia, e toru rau e whitu tekau mā rua.

10Ko ngā tama a Araha, e ono rau e rima tekau mā rua.

11Ko ngā tama a Pahata Moapa, (nō ngā tama a Hehua rāua ko Ioapa), e rua mano e waru rau kotahi tekau mā waru.

12Ko ngā tama a Erama, kotahi mano e rua rau e rima tekau mā whā.

13Ko ngā tama a Tatu, e waru rau e whā tekau mā rima.

14Ko ngā tama a Takai, e whitu rau e ono tekau.

15Ko ngā tama a Pinui, e ono rau e whā tekau mā waru.

16Ko ngā tama a Pepai, e ono rau e rua tekau mā waru.

17Ko ngā tama a Atakara, e rua mano e toru rau e rua tekau mā rua.

18Ko ngā tama a Aronikama, e ono rau e ono tekau mā whitu.

19Ko ngā tama a Pikiwai, e rua mano e ono tekau mā whitu.

20Ko ngā tama a Ārini, e ono rau e rima tekau mā rima.

21Ko ngā tama a Atere, (a Hetekia), e iwa tekau mā waru.

22Ko ngā tama a Hahumu, e toru rau e rua tekau mā waru.

23Ko ngā tama a Pētai, e toru rau e rua tekau mā whā.

24Ko ngā tama a Haripi, kotahi rau kotahi tekau mā rua.

25Ko ngā tama a Kipeono, e iwa tekau mā rima.

26Ko ngā tāngata o Pēterehema, o Netopa, kotahi rau e waru tekau mā waru.

27Ko ngā tāngata o Anatoto, kotahi rau e rua tekau mā waru.

28Ko ngā tāngata o Pete Ātamawete, e whā tekau mā rua.

29Ko ngā tāngata o Kiriata Tearimi, o Kepira, o Peeroto, e whitu rau e whā tekau mā toru.

30Ko ngā tāngata o Rama, o Kapa, e ono rau e rua tekau mā tahi.

31Ko ngā tāngata o Mikimaha, kotahi rau e rua tekau mā rua.

32Ko ngā tāngata o Pētēre, o Hai, kotahi rau e rua tekau mā toru.

33Ko ngā tāngata o tērā atu Nepo, e rima tekau mā rua.

34Ko ngā tama a tērā atu Erama, kotahi mano e rua rau e rima tekau mā whā.

35Ko ngā tama a Hārimi, e toru rau e rua tekau.

36Ko ngā tama a Heriko, e toru rau e whā tekau mā rima.

37Ko ngā tama a Roro, a Hariri, a Ono, e whitu rau e rua tekau mā tahi.

38Ko ngā tama a Henaa, e toru mano e iwa rau e toru tekau.

39Ko ngā tohunga: ko ngā tama a Ieraia, (nō te whare o Hehua), e iwa rau e whitu tekau mā toru.

40Ko ngā tama a Imere, kotahi mano e rima tekau mā rua.

41Ko ngā tama a Pahuru, kotahi mano e rua rau e whā tekau mā whitu.

42Ko ngā tama a Hārimi, kotahi mano kotahi tekau mā whitu.

43Ko ngā Rīwaiti: ko ngā tama a Hehua, a Karamiēre, (nō ngā tama anō hoki a Horewa), e whitu tekau mā whā.

44Ko ngā kaiwaiata: ko ngā tama a Āhapa, kotahi rau e whā tekau mā waru.

45Ko ngā kaitiaki kūwaha: ko ngā tama a Harumu, ko ngā tama a Atere, ko ngā tama a Taramono, ko ngā tama a Akupu, ko ngā tama a Hatita, ko ngā tama a Hopai, kotahi rau e toru tekau mā waru.

46Ko ngā Netinimi: ko ngā tama a Tiha, ko ngā tama a Hahupa, ko ngā tama a Tapaoto,

47ko ngā tama a Keroho, ko ngā tama a Hia, ko ngā tama a Parono,

48ko ngā tama a Repana, ko ngā tama a Hakapa, ko ngā tama a Haramai,

49ko ngā tama a Hanana, ko ngā tama a Kirere, ko ngā tama a Kahara,

50ko ngā tama a Reaia, ko ngā tama a Retini, ko ngā tama a Nekora,

51Ko ngā tama a Katama, ko ngā tama a Uha, ko ngā tama a Pahea,

52ko ngā tama a Pehai, ko ngā tama a Meunimi, ko ngā tama a Nepihehimi,

53ko ngā tama a Pakapuku, ko ngā tama a Hakupa, ko ngā tama a Harahuru,

54ko ngā tama a Patariti, ko ngā tama a Mehira, ko ngā tama a Haraha,

55ko ngā tama a Parakoho, ko ngā tama a Hihera, ko ngā tama a Tāmaha,

56ko ngā tama a Netia, ko ngā tama a Hatipa.

57Ko ngā tama a ngā pononga a Horomona: ko ngā tama a Hotai, ko ngā tama a Hoperete, ko ngā tama a Perira,

58ko ngā tama a Taara, ko ngā tama a Tarakono, ko ngā tama a Kirere,

59ko ngā tama a Hepatia, ko ngā tama a Hatiri, ko ngā tama a Pokerete o Tepaimi, ko ngā tama a Amono.

60Ko ngā Netinimi katoa, rātou ko ngā tama a ngā pononga a Horomona, e toru rau e iwa tekau mā rua.

61Ko ēnei i haere mai i Teremera, i Terehareha, i Kerupu, i Arono, i Imere, otiia kīhai i taea e rātou te whakaatu te whare o ō rātou pāpā, tō rātou kāwei, nō Īharaira rānei rātou:

62arā ko ngā tama a Teraia, ko ngā tama a Tōpia, ko ngā tama a Nekora, e ono rau e whā tekau mā rua.

63O ngā tohunga hoki: ko ngā tama a Hapaia, ko ngā tama a Koto, ko ngā tama a Paratirai, (i tango nei i tētahi o ngā tamāhine a Paratirai Kireari hei wahine māna, ā, ka huaina tō rātou ingoa ki a ia.)

64I rapua e ēnei te whakapapa o ō rātou tūpuna i roto i te hunga kua oti te whakapapa; heoi kīhai i kitea. Nā reira i kīia ai rātou he poke, i mutu ake ai tō rātou tohungatanga.

65Nā, ka mea te kāwana ki a rātou, kia kaua rātou e kai i ngā mea tapu rawa, kia ara ake rā anō tētahi tohunga, kei a ia ngā Urimi me ngā Tumime.

66Ko te whakaminenga katoa, ki te huihuia, e whā tekau mā rua mano, e toru rau e ono tekau,

67Hāunga ā rātou pononga tāne, ā rātou pononga wāhine, e whitu mano o ēnei e toru rau e toru tekau mā whitu. I a rātou anō he kaiwaiata, he tāne, he wāhine, e rua rau e whā tekau mā rima.

68Ko ō rātou hōiho, e whitu rau e toru tekau mā ono; ko ō rātou muera, e rua rau e whā tekau mā rima.

69E whā rau e toru tekau mā rima ngā kāmera: ko ngā kāihe, e ono mano e whitu rau e rua tekau.

70Nā, i hōmai anō e ētahi o ngā ariki o ngā whare o ngā mātua he mea mō te mahi. Tā te kāwana i hōmai ai ki roto ki ngā taonga, kotahi mano tarami kōura, e rima tekau peihana, e rima rau e toru tekau kākahu tohunga.

71I hōmai anō e ētahi o ngā ariki o ngā whare o ngā mātua ki roto ki ngā taonga mō te mahi e rua tekau mano tarami kōura, e rua mano e rua rau pāuna hiriwa.

72Nā, ko ngā mea i hōmai e te nuinga o te iwi, e rua tekau mano tarami kōura, e rua mano pāuna hiriwa, e ono tekau mā whitu kākahu tohunga.

73Heoi, noho ana ngā tohunga i ō rātou pā, me ngā Rīwaiti anō, rātou ko ngā kaitiaki kūwaha, ko ngā kaiwaiata, ko ētahi o te iwi, ko ngā Netinimi, ko Īharaira katoa.

Ka Whakahautia e Etera ngā Tāngata kia Mau ki te Ture

Ā, i te takanga mai o te whitu o ngā marama, e noho ana ngā tama a Īharaira i ō rātou pā.