1I mea a Ihowā ki tōku Ariki,
“Hei tōku matau koe noho ai,
kia meinga rā anō e ahau ōu hoariri
hei tūranga waewae mōu.”
2Mā Ihowā e tono mai te tokotoko o tōu kaha i Hiona;
hei rangatira koe i waenganui i ōu hoariri.
3Ka kakama tōu iwi ki te tāpae atu i a rātou
i te rā o tōu kaha,
i te ātaahua o ngā mea tapu.
Nō te kōpū mai o te ata,
kei a koe te tōmairangi o tōu whanaketanga.
4Kua oati a Ihowā, e kore anō tāna e puta kē;
“Hei tohunga koe ake ake, nō te tikanga o Merekihereke.”
5Kei tōu matau te Ariki;
ka marū i a ia ngā kīngi i te rā e riri ai ia.
6E whakawā ia i waenganui i ngā tauiwi;
e whakakīia e ia ngā whenua ki te tūpāpaku;
ka marū i a ia ngā upoko
i ngā whenua maha.
7Ka inu wai ia i te awa i te ara,
ā, ka ara tōna mātenga.
Who We AreWhat We EelieveWhat We Do
2025 by iamachristian.org,Inc All rights reserved.
