Isambulo Isingeniso - Ndebele Contemporary Bible 2022

IsingenisoIsingenisoIsizwe sakudala saseRoma sasivikela umnotho kanye lombuso waso ngokomoya, bebiza inkolo yabo ngokuthi yiPhakisi Romana, kumbe uKuthula kweRoma. Ngesikhathi elapho ayexhotshelwe khona esihlengeni sePhathimosi, umphrofethi ongumKhristu wesiJuda owayethiwa nguJohane waboniswa umbono owawutshengisa ukuthi inkolo yokukhonza abakhokheli izaletha ukufa kubalandeli bakaKhristu. Ugwalo lukaSambulo (kumbe i-Aphokhaliphisi okuyisiHebheru, okutsho ukwambulelwa) luyisixwayiso, esabhodiswa emadolobheni ayisikhombisa asesifundeni saseRoma esise-Ezhiya Mana. Umcijo kaJohane obalulekileyo ngowokukhuthaza abakholwa ngesikhathi bekhangelane lokuphikiswa kanye lokubulawa.Isambulo yi-Aphokhaliphisi, esiyindatshana eyaziwa kabanzi ngensuku zikaJohane. Ekwambuleni, isivakatshi esivela ezulwini siveza imfihlo yomhlaba ongabonakaliyo kanye lokuzakwenzakala sisebenzisa imifanekiso. Lanxa imifanekiso ikhangeleka ingajayelekanga ekuqaleni, ikhanya obala nxa ibonakala ngekhulu lokuqala kanye lakweminye imifanekiso yeBhayibhili.Umbono kaJohane ulengxenye ezine, inye layinye iphawulwe ngumbhalo othi eMoyeni. Emva kwamazwi okuxwayisa lokukhuthaza ibandla linye ngalinye amabandla ayisikhombisa, imibono kaJohane ibuya igxila kuJesu, umsebenzi wakhe wokusindisa kanye lokwahlulela akuletha emhlabeni. Imimoya engelabuntu, ephathelane lezombuso lomnotho ehlamukela uNkulunkulu, izabhujiswa njalo uKhristu uzanqoba phezu kwazo zonke izitha zakhe. Umbono uphetha ngesithembiso sokuthi abakholwa kuNkulunkulu ngeqiniso bazabusa indalo entsha.Isambulo sibuya sisebenza njengesiphetho esifaneleyo sezehlakalo zeBhayibhili. UJohane uphetha ngemifanekiso yesivande se-Edeni, udaba lwakuqala eBhayibhilini. Umhlaba uzabona ukuqala okutsha, lowo owayehlezi esihlalweni sobukhosi wathi, “Sengikwenza konke kube kutsha!”