1Ngiyamthanda uThixo ngoba walizwa ilizwi lami;
wezwa ukukhala kwami ngicela umusa.
2Ngoba wangipha indlela yakhe,
ngizambiza kokuphela nxa ngisaphila.
3Izibopho zokufa zangithandela,
ubuhlungu obukhulu bengcwaba bangehlela;
ngagajelwa yikuhlupheka losizi.
4Ngasengibiza ibizo likaThixo :
“Oh Thixo ake ungisindise!”
5 UThixo ulomusa njalo ulungile;
uNkulunkulu wethu ulesihawu.
6 UThixo uvikela abalenhliziyo ethobekileyo;
ngathi ngihluphekile kakhulu wangisindisa.
7Phumula njalo, we mphefumulo wami,
ngoba uThixo ukwenzile ukulunga.
8Ngoba wena Thixo,
uwukhulule umphefumulo wami ekufeni,
amehlo ami ezinyembezini,
lezinyawo zami azaze zakhubeka,
9ukuze ngihambe phambi kukaThixo
elizweni labaphilayo.
10Ngathembela kuThixo; ngakho ngasengisithi,
“Ngiyahlupheka kakhulu.”
11Ngiphakathi kokulahla ithemba ngathi,
“Bonke abantu balamanga.”
12Ngingambonga ngani uThixo
ngabo bonke ubuhle bakhe kimi?
13Ngizayiphakamisa inkezo yensindiso
ngimemeze ibizo likaThixo.
14Ngizazigcwalisa izifungo zami kuThixo
phambi kwabo bonke abantu bakhe.
15Kuligugu emehlweni kaThixo
ukufa kwabathembekileyo bakhe.
16Oh Thixo, ngempela ngiyinceku Yakho,
indodana yencekukazi yakho;
usungikhulule emaketaneni ami.
17Ngizakwenzela umhlatshelo womnikelo wokubonga
ngilibize ibizo likaThixo
18Ngizazigcwalisa izifungo zami kuThixo
phambi kwabo bonke abantu bakhe,
19emagumeni endlu kaThixo
phakathi kwakho, wena Jerusalema.
Dumisani uThixo.
Who We AreWhat We EelieveWhat We Do
2025 by iamachristian.org,Inc All rights reserved.
