UZakhariya Isingeniso - Ndebele Contemporary Bible 2022
IsingenisoIsingenisoUmphrofethi uZakhariya waletha umbiko wakhe kwababethunjiwe abasebebuyele koJuda kusukela emnyakeni wesibili wombuso wenkosi yasePhezhiya, uDariyu (ngo-520 uKhristu engakazalwa). Ugwalo lolu lulengxenye ezimbili ezimqoka. Eyokuqala ileziqa ezimbili zesiphrofethi, eziphawulwe ngokuchasiswa kwemibono eyimifanekiso. Ingxenye yesibili emqoka yakhiwe ikakhulu ngesiphorofitha esiphawulwe ngobunkondlo, simayelana labakhokheli belizwe.Ngemva kokunxusela abantu ekuphendukeni, uZakhariya uloba udwendwe lwemibono eyisitshiyagalombili ekhuthaza abantu ukuthi baphinde bakhe ithempeli. Eyokuqala leyokuphetha ikhuluma ngamabhiza alemibala labagadi bawo abathunyelwa emhlabeni. Umbono wesibili lowesithathu iveza uzizwe ezithukutheleyo zingasalihlaseli ilizwe. Owesithupha lowesikhombisa, ukhuluma ngokwesulwa kwezono zabantu. Imibono emibili ephakathi laphakathi iveza uNkulunkulu egcoba uJoshuwa ukuba ngumphristi omkhulu loZabhabheli ukuba ngumbusi. Indikimba yombiko yikuthi uNkulunkulu ukuhlelile konke okuqondane lomsebenzi wokwakhiwa kutsha.Ingxenye yesibili yeziphrofethi ileziqa eziyisithupha. Lokhe kwaba lenkemenkeme yokuthunjwa lokubhidlizwa kwethempeli, abantu babelokuzila kwezinye izikhathi zomnyaka. Umlayezo lapha ukhuthaza abantu ukuthi bazijayeze umthetho oqotho njengendlela eqotho yokuzila njalo bagxile ekwakheni kutsha ithempeli. UZakhariya wasememezela ukuthi ukuzila kwabo konke kuzakuba yintokozo enkulu.Isigaba sokucina sibika ukuthi ngemva kokuhlupheka kwabantu ngenxa yomelusi ongalunganga, uNkulunkulu uzathumela inkosi eqotho, evela eluhlwini losendo lukaDavida. UThixo uzanqoba izitha zakhe, njalo abe yinkosi yomhlaba wonke.
