AbaseKholose Isingeniso - Ndebele Contemporary Bible 2022
IsingenisoIsingenisoNgesikhathi uPhawuli esentolongweni eRoma, elindele ukuthonisiswa kwecala lakhe phambili kukaKhesari, eyinye yezincwadi ayilobayo yayisiya emakholweni ayehlangene edolobheni leKholose. UPhawuli wayengakaze ahlangane labo, kodwa bona babekwazi ukuthi ungubani njalo behlonipha ubukhokheli bakhe. UPhawuli wayeke wasebenza lendoda ethiwa ngu-Ephaferasi ngesikhathi ese-Efesasi. U-Ephafrasi wayedabuka eKholose, umango ongaba ngamakhilomitha alikhulu elilamatshumi ayisikhombisa usiya empumalanga. UPhawuli wamthuma ukuthi azoletha indaba ezimnandi ngoJesu edolobheni lakibo lamanye amadolobho aseduzane lalo, eleLodikheya leleHirapholisi. U-Ephafrasi wacina esebotshiwe laye walethwa eRoma eyisibotshwa. UPhawuli wezwa ngaye okwakusenzakala kulawo madolobho.AbaseKholose abanengi babengabeZizwe kodwa njengamaGalathiya babephoqelwa ukulandela imithetho yamaJuda njalo babengezelela imithetho lemfundiso yamanga enkolweni. Abanye babezigqaja ngokuthi balemibono njalo bathola ulwazi lwakomoya oluyimfihlo. Ngakho uPhawuli wabalobela incwadi esithi, “Nxa lingathola uJesu onguKhristu, selikutholile konke!”UPhawuli ugcizelela ukuthi zonke izinto ezisezulwini lezisemhlabeni zadalwa yiNdodana njalo zabuyiselwa kuNkulunkulu ngokufa kweNdodana esiphambanweni. UKhristu unguNkulunkulu ngokugcweleyo. Njengoba abaseKholose basebelethwe elizweni lokukhanya elitsha, basebengaphila inkolo yabo ngokugcweleyo. Sekufanele bagqoke isimo esitsha, belindele isikhathi uKhristu azavela khona mgceke, eveza inkazimulo yakhe.
