1Kungani ususilahlile kokuphela na, awu Nkulunkulu?
Kungani ulaka lwakho luvutha phezu kwezimvu zedlelo lakho na?
2Khumbula abantu owabathengayo ekadeni,
isizwe selifa lakho owasihlengayo
iNtaba iZiyoni, owawuhlala khona.
3Phenduka ungene emanxiweni aphakade la,
incithakalo yonke le yenziwe yisitha endlini engcwele.
4Izitha zakho zazibhonga endaweni owawuhlangana lathi kuyo;
zamisa impawu zazo njengeziboniso.
5Zenza njengabantu abaphakamise amahloka
ukuphendla indlela yabo eguswini.
6Zafohloza konke okubaziweyo
ngamahloka azo langezando.
7Zatshisa indlu yakho engcwele yaphela nya;
zangcolisa indawo ehlala iBizo lakho.
8Zathi ngezinhliziyo zazo, “Sizababhuqa baphele nya!”
Zatshisa zonke izindawo zokukhonzela uNkulunkulu elizweni.
9Kasisaboniswa mimangaliso; kakuselabuphrofethi,
kakho kithi owaziyo ukuthi
kuzaze kube nini kunjalo.
10Koze kube nini isitha sikuklolodela na, awu Nkulunkulu?
Izitha zizalithuka kokuphela ibizo lakho na?
11Kungani ufinyeza isandla sakho sokunene na?
Sikhuphe ezingoxweni zezembatho zakho ubabhubhise.
12Kodwa wena Nkulunkulu uyiNkosi yami kwasekadeni;
uletha insindiso emhlabeni.
13Kwakunguwe owaqhekeza ulwandle ngamandla akho;
wafohloza amakhanda esilo phakathi kwamanzi.
14Kwakunguwe owachoboza amakhanda kaLeviyathani
waba yikudla kwezidalwa zasenkangala.
15Kwakunguwe owavula imithombo lemifula;
womisa qha imifula eyayihlala igeleza.
16Imini ngeyakho, ngobakho njalo lobusuku;
walimisa ilanga kanye lenyanga.
17Kwakunguwe owamisa imingcele yonke yomhlaba;
wenza ihlobo kanye lobusika.
18Khumbula ukuthi isitha besikuklolodela, Thixo,
ukuthi iziwula bezihlambaza ibizo lakho.
19Ungaqhubeli umphefumulo wejuba lakho ezinyamazaneni;
ungaze wakhohlwa kokuphela
impilo yabantu bakho abahluphekayo.
20Nanzelela isivumelwano sakho,
ngoba izikhundla zobugebenga zigcwele
kulolonke ilizwe ezindaweni ezilamathunzi.
21Ungayekeli abancindezelweyo babuyele beyangekile;
sengathi abayanga labaswelayo bangalidumisa ibizo lakho.
22Phakama, awu Nkulunkulu, vikela okungokwakho;
khumbula ukuthi iziwula zikuhleka njani ilanga lonke.
23Ungakulibali ukuvungama kwalabo abalwa lawe,
ukuxokozela kwezitha zakho, okuzwakala kokuphela.
Who We AreWhat We EelieveWhat We Do
2025 by iamachristian.org,Inc All rights reserved.
