1 UPhethro Isingeniso - Ndebele Contemporary Bible 2022
IsingenisoIsingenisoUmpostoli uPhethro wayengomunye wabafundi abalitshumi lambili uJesu abakhetha wabafundisa ngesikhathi sakhe esasemhlabeni. UPhethro waqeda iminyaka yempilo yakhe yokucina leyokusebenzela uNkulunkulu engumkhokheli webandla laseRoma ekuqaleni komnyaka ka60 emva kokuvuka kukaKhristu. Wathi esizwa ukuthi amabandla akwezinye izifunda zaseRoma (wonke asendaweni esisaziwa ngokuthi yiThekhi) ayebulawa, wabhala ebakhuthaza ukuthi bahlale bethembekile kuJesu. Incwadi kaPhethro yafikiswa nguSayilasi, indoda eyayisebenza lompostoli uPhawuli (Bona Imisebenzi 15.22 – 17.15). UPhethro wethula uSayilasi abesechasisa ukuthi wancedisa ekubhalweni kwencwadi.Incwadi le ilezigaba ezintathu ngaphambili kwesingeniso:UPhethro uqala ngokutshela abafundi bencwadi yakhe ukuthi libengcwele kukho konke elikwenzayo. NjengabeZizweni, babephila bengazi lutho (babengazazi izindlela zikaNkulunkulu). Kodwa khathesi sebelilizwe elingcwele, ingxenye yabantu bakaNkulunkulu njalo babizelwa empilweni entsha.UPhethro uchasisa ukuthi indlela yokuphila entsha le izamangalisa labo abazasola labazabulala kungelasizatho.Ekuphetheni, uPhethro uyavuma ukuthi ababali bencwadi yakhe bayahlukumezeka ngenxa yokholo lwabo kodwa uyachasisa ukuthi lokho yikho okumele kukhangelelwe. UKhristu ngokwakhe wahlukunyezwa, labakholwayo emhlabeni wonke jikelele bahlangana lezilingo ezifanayo. Abalandeli bakaJesu balindele usuku abazavakatshelwa ngalo nguNkulunkulu njalo lasekuhluphekeni kwabo bayenelisa ukuveza ukuthi ngabakaNkulunkulu.
