1Ephakathi kwenhlanzi uJona wakhuleka kuThixo uNkulunkulu wakhe.
2Wathi:
“Ekuhluphekeni kwami ngambiza uThixo,
wangiphendula.
Ngisekujuleni kwengcwaba ngacela uncedo,
wena wakulalela ukukhala kwami.
3Wangiphosela ezinzikini,
phakathi emathunjini enlwandle,
amagagasi agubhazela emaceleni wonke;
wonke amagagasi akho
lezimpophoma zawo kwangisibekela.
4Ngathi, ‘Sengixotshiwe
ebusweni bakho;
kodwa ngizakhangela njalo
ethempelini lakho elingcwele.’
5Indonga zamanzi zaziqonde ukungimbokotha,
ngangihanqwe yinziki;
inkunkuma yotshani bolwandle yangithandela ekhanda.
6Ngagalula ngatshona empandeni zezintaba;
umhlaba ongaphansi wangivalela okwaphakade.
Kodwa wena wayikhupha impilo yami egodini,
wena Thixo, Nkulunkulu wami.
7Lapho impilo yami yayisincipha,
ngakhumbula wena, Thixo,
umkhuleko wami waphakamela kuwe,
ethempelini lakho elingcwele.
8Labo ababambelela ezithombeni
ezingelamsebenzi balahlekelwa ngumusa ongaba ngowabo.
9Kodwa mina, ngizakuthi ngihlabela ingoma yokubonga
ngenze umhlatshelo kuwe.
Engikufungileyo ngizakugcwalisa.
Insindiso ivela kuThixo.”
10 UThixo walaya inhlanzi, yona yase imhlanza uJona emhlabathini owomileyo.
Who We AreWhat We EelieveWhat We Do
2025 by iamachristian.org,Inc All rights reserved.
