UMikha Isingeniso - Ndebele Contemporary Bible 2022
IsingenisoIsingenisoUmphrofethi uMikha ukhuluma lemibuso eseningizimu kwakoJuda ngesikhathi sombuso kaJothamu, u-Ahazi kanye loHezekhiya (emaphethelweni esentshuri yesificaminwembili uKhristu engakazalwa). Uphrofitha ukuthi iSamariya leJerusalema izigodlo zako-Israyeli zizabhidlizwa ngenxa yemithetho yazo engekho qotho, lenkolo ekhohlakeleyo. Abantu badela isivumelwano abasenza loNkulunkulu, bathatha inkolo zobuhedeni zamaKhenani. Izinothi labalamandla bahlukuluza abayanga, betshaya indiva umthetho kaMosi. UMikha uyabaxwayisa ukuthi uswazi lokungathembeki kwabo lokungahluleli ngeqiniso luyeza njalo imibuso yomibili izalwiswa inqotshwe njalo ithunjwe. Njengokubonisa kwakhe, iSamariya yanqotshwa ngama-Asiriya ngo-722 uKhristu engakazalwa, iJerusalema yona yanqotshwa ngamaKhaladiya ngo-587 kusiya emnyakeni olandelayo ka-600 uKhristu engakazalwa.Isiphrofethi sikaMikha sigudla phakathi laphakathi kwezixwayiso zokubhidlizwa lezithembiso zokuvuselelwa. Sinye ngasinye isiphrofethi sikaMikha ngobuthathu bazo, siqala ngamahlandla okwahlulelwa, besesiphetha ngezithembiso zemvuselelo. UMikha umemezela ukuthi ngozwelo langokwethembeka kwesivumelwano, uNkulunkulu uzasindisa insalela yabantu njalo ababuyisele elizweni labo. Lapho abazabuswa khona yinkosi elungileyo babe yinkazimulo yomhlaba wonke, beqondisa izizwe zonke ezindleleni zikaThixo. UNkulunkulu uzamsiza u-Israyeli athole indawo yakhe endabeni yebhayibhili.
