1Ngizakuphakamisa, Oh Thixo,
ngoba wangenyula ekujuleni
awaze wavumela izitha zami zijabule phezu kwami.
2Awu Thixo, Nkulunkulu wami,
ngacela Kuwe uncedo wangisilisa.
3Yebo Thixo wangenyula elibeni,
wangisiza ngaphepha ukungena egodini.
4Hlabelelani kuThixo lina bathembekileyo bakhe;
dumisani ibizo lakhe elingcwele.
5Ngoba ukuthukuthela Kwakhe ngokomzuzwana nje,
kodwa umusa wakhe ukhona okwempilo yonke;
ukulila kungaqhubeka ubusuku bonke,
kodwa ukuthokoza kuyafika ekuseni.
6Ngathi lapho ngizizwa ngihlezi kuhle ngathi,
“Kangisoze ngafa ngahlukuluzeka.”
7Yebo Thixo, wathi lapho ungizwela
wenza intaba yami yagxila qho;
kodwa kwathi lapho usufihle ubuso Bakho
ngaphelelwa lithemba.
8Ngakhala kuwe, Thixo;
ngacela umusa eNkosini:
9“Kulenzuzo bani ngokubhujiswa kwami na,
ngokutshona kwami egodini?
Kambe uthuli luzakudumisa na?
Lona luzafakaza na ngokuthembeka Kwakho?
10Zwana, Oh Thixo, ube lomusa kimi;
woba lusizo lwami.”
11Waguqula ukububula kwami kwaba ngumgido;
wangihlubula izigqoko zamasaka wangigqokisa ukuthokoza,
12ukuze inhliziyo yami ikuhlabelele ingathuli.
Oh Thixo, Nkulunkulu wami,
ngizakubonga nini lanini.
Who We AreWhat We EelieveWhat We Do
2025 by iamachristian.org,Inc All rights reserved.
