1 Morena o rile go kgoši, mong wa ka:
“Dula ka letsogong la ka la mmagoja
ke be ke tle ke go fenyetše manaba a gago.”
2Morena o tla atiša pušo ya gago
a le Tempeleng ya gagwe a re:
“Buša manaba a gago.”
3Mohla o rapa dira setšhaba sa gago se tla ithaopa.
Masogana a gago a tla tla go wena a itlhamile ka tša ntwa ye kgethwa,
a tsarogile phoka ya masa.
4 Morena o ikanne gomme a ka se hlaname;
o rile: “O moprista go ya go ile wa boprista bja go swana le bja Melkitsedeke.”
5Morena o go thuša ntweng;
mohla a galefile o pšhatlaganya magoši.
6O tla ahlola ditšhaba a ba a di otla,
gwa tlala ditopo;
o tla fediša babuši gohle lefaseng.
7Kgoši e tla nwa ka nokaneng ya kgauswi ga tsela,
a re go lapologa a lwa mme a fenya.
Who We AreWhat We EelieveWhat We Do
2025 by iamachristian.org,Inc All rights reserved.
