DIPESALOME 100 - Northern Sotho 2000（NSO00）

Kopelo ya go tumiša ModimoKe pesalome ya tebogo.

1Hlabelang Morena mekgolokwane,

lena bohle ba lefase!

2Direlang Morena ka lethabo;

tlaang pele ga gagwe le duduetša!

3Tsebang gore Morena ke yena Modimo.

O re bopile gomme ke rena ba gagwe;

ke rena setšhaba sa gagwe,

re mohlape wa gagwe.

4Tsenang ka masoro a Tempele ka ditebogo,

tsenang ka dikgorong tša yona ka dikopelo tša tumišo.

Mo lebogeng le mo reteng.

5 Gobane Morena ke yo botho;

lerato la gagwe ke la neng le neng,

potego ya gagwe ke ya go ya go ile.