DIPESALOME 11 - Northern Sotho 2000（NSO00）

Go itshwarelela ka MorenaGo tsebišwa moopediši gore ke pesalome ya Dafida.

1Nna ke tšhabela go Morena.

Le reng le re go nna:

“Fofela dithabeng bjalo ka nonyana,

2gobane bakgopo ba nganga bora bja bona,

ba lebantšha baloki ka mesebe go ba tsetsemetša ka leswiswing.

3Ge dilo di šetše di hlakahlakane,

ke eng se moloki a ka hlwago a sa se dira?”

4Morena o ka Tempeleng ya gagwe ye kgethwa;

setulo sa gagwe sa bogoši se legodimong.

O lebeletše batho ba lefase;

o a ba lebelediša a bona tše ba di dirago.

5O lekodišiša moloki le mokgopo go swana;

ntwadumela yena o mo hloile.

6O nešetša bakgopo magala a a tukago le tshebela;

ya bona kabelo ke phefo ye e fišago.

7Morena o lokile mme o rata boloki;

baloki ba tla dula le yena.