3 HOANI 1 - New Testament with modified orthography(MRNT)

He Mihi

1Nā te kaumātua –

Ki a Kaiu, ki te hoa aroha, ki tāku e aroha atu nei i runga i te pono.

2E te hoa aroha, nui atu i ngā mea katoa tāku īnoi kia kake koe ki te pai, kia ora. Kia pērā anō me tōu wairua kua kake ki te pai.

3Hari pū hoki ahau i ngā tēina i haere mai nei, i whaka­atu mai i te pono i roto i a koe, arā i tāu haere i runga i te pono.

4Kāhore ōku hari e nui atu ana i tēnei, arā kia rongo ahau e haere ana āku tama­riki i runga i te pono.

Ka Whakanuia a Kaiu

5E te hoa aroha, pono tonu tāu mahi e mea nā koe mō ngā tēina, mō ngā tāngata iwi kē anō hoki.

6E whaka­atu nā i tōu aroha i te aro­aro o te hāhi. Nā, kia rite ki tā te Atua tāu kawe i a rātou, ā, ka pai tāu mahi.

7He whaka­aro hoki ki tōna ingoa i haere atu ai rātou, kīhai anō i riro i a rātou tētahi mea a ngā tauiwi.

8Koia i tika ai kia whaka­manu­hiri tātou i ngā tāngata pēnei kia ai hoki tātou hei hoa mahi mō te pono.

Ko Rioterepi rāua ko Rimitiriu

9I tuhi­tuhi atu ahau ki te hāhi; otirā, kāhore mātou e manako­hia mai e Rioterepi, ko tāna hoki e pai ai ko ia kia meinga hei tua­tahi mō rātou.

10Mō konei ki te haere atu ahau, ka whaka­mahara ahau i āna mahi e mea nei ia, ki te kino o āna kupu i a ia e komeme mai nei mō mātou; kāhore hoki tāna i mutu i konei, kāhore ia e manako ki ngā tēina, e rīria ana hoki e ia ngā tāngata e pai ana kia pērā, e peia ana i roto i te hāhi.

11E te hoa aroha, kaua e aru­mia te kino, engari te pai. Ko te tangata e mahi pai ana, nō te Atua ia; tēnā, ko te kai­mahi i te kino, kāhore anō ia kia kite i te Atua.

12E kōrero­tia paitia ana a Rimitiriu e te katoa, e te pono anō hoki. Āe rā, ko mātou anō ētahi hei kai­whaka­atu; e mōhio ana koutou he pono tā mātou whaka­atu.

Poroporoaki

13He maha ngā mea hei tuhi­tuhi­nga atu māku, otirā, e kore ahau e pai kia tuhi­tuhi atu ki a koe ki te mangu­mangu, ki te pene.

14E mea ana hoki ahau tērā ahau e kite wawe i a koe, ā, e kōrero tāua, he māngai, he māngai.

Kia tau te rangi­mārie ki a koe!

Tēnei ngā hoa aroha te oha atu nei ki a koe. Oha atu ki ngā hoa aroha me te whaka­hua anō i te ingoa o tērā, o tērā.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help