2 KORINITI 10 - New Testament with modified orthography(MRNT)

Ka Tautīneitia e Paora Āna Mahi Mihinare

1Nā, nāku ake, nā Paora, tēnei tohe ki a koutou nā te tikanga māhaki me te ngākau ngā­wari o te Karaiti, he mea iti nei ahau i ahau i konā i roto i a koutou, i tawhiti nei ia e māia ana ki a koutou.

2Āe rā, e tohe ana ahau ki a koutou, kia kaua ahau ina tae atu e mārō ki te whaka­puta i te māia, pērā me tāku e mea nei kia māia ki ētahi, e whaka­aro nei ki a mātou, ānō ko tā mātou whaka­haere nō te kiko­kiko.

3Nō te mea ahakoa hāere­ere mātou i roto i te kiko­kiko, ehara i te kiko­kiko tā mātou whawhai;

4ehara hoki ngā rākau o tā mātou pakanga i te mea nō te kiko­kiko, engari he kaha i roto i te Atua hei whaka­horo i ngā pā kaha;

5horo ana i a mātou ngā whaka­aro­aro­nga me ngā mea ike­ike katoa e whaka­kake ana ki te mātau­ranga ki te Atua, ā, riro pārau mai ana ngā whaka­aro katoa, ka meinga kia ngohe­ngohe ki a te Karaiti;

6me te noho rite anō ki te whaka­pā riri mō ngā mahi tutū katoa, ina tino ngohe­ngohe rawa koutou.

7E ti­tiro ana koutou ki ngā mea kei mua i tō koutou mata. Ki te ū te whaka­aro o tētahi nō te Karaiti ia, me mahara ia ki tēnei mea anō hoki, nō te Karaiti ia, pēnā anō hoki mātou.

8Ahakoa hoki āhua rahi ake tāku whaka­mana­mana mō ngā tikanga i a mātou nei, nā te Ariki nei i hōmai hei hanga ake i a koutou, ehara i te mea hei tuku i a koutou ki raro, e kore ahau e meinga kia whaka­mā.

9Kia kaua ahau e meatia e whaka­wehi ana i a koutou ki āku puka­puka.

10Ko āna puka­puka hoki, e ai ki tā rātou, he tai­maha, he kaha; ko tōna tinana ia i a ia i konei he ngoi­kore, ko tāna kōrero he kore­kore noa iho.

11Kia mahara taua tū tangata ki tēnei, nā, ko tō mātou āhua i ngā kupu o ngā puka­puka i a mātou e ngaro mai nei, koia anō tō mātou rite ki ngā mahi me i konā mātou.

12E kore hoki mātou e māia ki te whaka­uru atu, ki te whaka­rite­rite rānei i a mātou ki ētahi e whaka­pai nei ki a rātou anō. I a rātou ia e mēhua nei i a rātou ki a rātou anō, e whaka­rite­rite nei i a rātou ki a rātou anō, kāhore ō rātou mātau­ranga.

13E kore hoki mātou e whaka­mana­mana ki tua atu i tō mātou mēhua, engari ka rite ki te mēhua o te wāhanga i whaka­ritea mai e te Atua mā mātou, e tae atu ai ki a koutou rawa.

14Kāhore hoki ā mātou totoro noa atu, e kīa ai kāhore he taenga atu mō mātou ki a koutou. I tae atu nā hoki mātou ki a koutou rawa nā i runga i te rongo­pai o te Karaiti.

15E kore hoki mātou e whaka­mana­mana ki kō atu i tō mātou mēhua, arā, ki ngā mahi a ētahi atu; engari e ū ana tō mātou whaka­aro, ka tupu haere tō koutou whaka­pono, ka ai koutou hei whaka­nui i a mātou, e tino rite rawa ai ki tō mātou rūri;

16kia kauwhau­tia ai te rongo­pai ki ngā wāhi i kō atu i a koutou, kia kaua hoki e whaka­mana­mana i runga i tō te tangata kē rūri ki ngā mea e noho tata ana ki tō mātou ringa.

17“Ki te whaka­mana­mana ia tētahi, me whaka­mana­mana ia ki te Ariki.”

18He teka hoki ko te tangata e whaka­pai ana ki a ia anō ka tikanga­tia, engari ko tā te Ariki e whaka­pai ai.