2 TĪMOTI 4 - New Testament with modified orthography(MRNT)

1Ko tāku kupu tēnei ki a koe i te aro­aro o te Atua, o Karaiti Īhu hoki, māna nei e whaka­wā te hunga ora me te hunga mate, i te āhua o tōna pu­tanga mai me tōna ranga­tira­tanga,

2kauwhau­tia te kupu; tohea i ngā wā pai, i ngā wā kino; rīria te hē, whaka­hē­ngia iho, whaka­haua, whaka­paua te manawa­nui me te whaka­ako.

3Tēnei ake hoki te wā e kore ai rātou e whaka­rongo ki te whaka­ako tika; heoi, i te mea he tari­nga mina­mina ō rātou, ka apohia e rātou he kai­whaka­ako e rite ana ki ō rātou nā hia­hia.

4Ka tahuri kē ō rātou tari­nga i te pono, ka anga atu ki ngā kōrero tito noa.

5Kia mau ia koe i ngā mea katoa; tukua atu ngā mamae ki a koe; mahia te mahi a te kai­kauwhau i te rongo­pai; whaka­paua tāu mahi minita.

6Tēnei hoki ahau kei te ringi­hia, kua rite anō te wā hei haere­nga mōku.

7Kua whawhai­tia e ahau te whawhai pai, kua omakia tōku omanga, kua rite i ahau te whaka­pono.

8Kei te takoto mai mōku i ngā wā ō muri nei te karauna o te tika, e hōmai ki ahau ā taua rā e te Ariki, e te kai­whaka­wā tika. He teka ki ahau anake, engari ki te hunga katoa anō hoki kua mate­nui ki tōna pu­tanga mai.

He Kupu Whaiara

9Kia puta tōu uaua ki te haere wawe mai ki ahau;

10kua whaka­rērea ahau e Rīmaha, he aroha nōna ki tēnei ao, ā, haere ana ia ki Teharonika; kua riro atu a Kerekena ki Karatia, a Taituha ki Raramatia.

11Ko Ruka anake kei ahau. Tēnā a Māka mauria mai hei hoa mōu; he pai hoki ia mō tāku mahi minita.

12Kua tonoa e ahau a Tikiku, ki Epeha.

13Ka haere mai koe, mauria mai te koroka i mahue atu i ahau ki Toroa, ki a Karapu, me ngā puka­puka; tēnā rawa ia ngā kiri­hipi.

14He maha ngā kino i meatia mai e Arēhanera, e te kai­mahi parāhi ki ahau. Mā te Ariki e hoatu ki a ia he utu e rite ana ki āna mahi.

15Kia tūpato hoki koe ki a ia; he rahi rawa hoki tāna totohe ki ā mātou kupu.

16I tāku kōrero­tanga tua­tahi, i karo ai i ahau, kāhore he tangata hei tuarā mōku, heoi, whaka­rērea ake ahau e te katoa. Kaua tēnei e whaka­iria ki a rātou.

17I tū ia te Ariki ki tōku taha, nāna hoki ahau i whaka­kaha; kia whaka­paua rawa­tia ai e ahau te kauwhau, kia rongo katoa ai ngā tauiwi. Ā, tōia mai ana ahau i roto i te māngai o te raiona.

18Tērā ahau e tōia mai e te Ariki i roto i ngā mahi kino katoa, e whaka­ora­ngia hoki tae noa ki tōna ranga­tira­tanga i te rangi. Waiho atu i a ia te korōria ake ake. Āmine.

Poroporoaki

19Oha atu ki a Pirihira rāua ko Akuira, ki te hunga anō hoki o te whare o Onehipora.

20I noho atu a Eratu i Koriniti; ko Toropimu i mahue atu, i ahau ki Miretu, he mate.

21Kia puta tōu uaua ki te haere mai i mua o te hōtoke.

Tēnei te oha atu nei ki a koe a Ūpuru, a Purena, a Rinuha, a Karau­ria, me ngā tēina katoa.

22Kia noho te Ariki ki tōu wairua.

Kia tau te aroha noa ki a koutou.