Salmau 20 - Welsh Psalms 1-20 and selection of Ruth and Isaiah 1830-35 (Ioan Tegid)

Salm XX.Pencerdd: cerdd o eiddo Dafydd.

1Ateb di Iehova yn nydd cyfyngder;

Uchelha di enw Duw Iacob:

2Anfona dy gymhorth o’r santeiddfa;

Ac o Seion y cynnalia di:

3Cofia dy holl offrymau;

A’th aberthau a gymmeradwya: Selah.

4Rhydd i ti yn ol dy galon;

A’th holl gyngor a gyflawna.

5Gorfoleddwn am dy waredigaeth,

Ac yn enw ein Duw y buddugoliaethwn;

Cyflawna Iehova dy holl erfynion.

6Yn awr gwn, mai Iehova a waredodd ei eneiniog:

Ateb ef o nefoedd ei santeiddfa;

Trwy rymusderau y gwared ei ddeheulaw.

7Rhai am gerbydau, a rhai am feirch;

Ond ni, am enw Iehova ein Duw, a goffawn.

8Hwy a grymasant ac a syrthiasant;

Ond ni a godasom, ac a union safwn.

9 Iehova a waredodd y Brenin;

Ateb ni yn y dydd y galwom.

NODAU.

Bernir gyfansoddi y Salm hon gan Ddafydd i’w harfer gan ei bobl, naill ai er mawl i Dduw am ei waredu, neu fel gweddi am ei lwyddiant. Mwy cysson yw trwyddi, os golygwn hi yn gerdd o fawl i Dduw. Traethir yr hyn a wnai Duw iddo. Yr un yw ei rhediad a’r Salm ganlynol.