Salmau 14 - Welsh Psalms 1-20 and selection of Ruth and Isaiah 1830-35 (Ioan Tegid)

Salm XIV.I’r Pencerdd: eiddo Dafydd.

1DYWED yr ynfyd yn ei galon, ‘Nid “oes” Duw:’

Ymlygrasant, difwynasant “bob” gweithred;

Nid “oes” neb a wna ddaioni.

2 Iehova o’r nefoedd a edrychodd ar feibion dynion,

I weled a oes neb deallgar, yn ceisio Duw.

3Gwrthgiliodd pawb, ynghyd yr ymhalogasant;

Nid “oes” neb a wna ddaioni, nac oes un.

4Oni wyddant “eu bod” oll yn weithredwyr trawsder?

Bwytawyr fy mhobl, bwytant fara;

Ar Iehova ni alwasant.

5Yno dychrynasant gan ddychryn, lle nad oedd dychryn “arnynt;”

Am “fod” Duw y’mhlith y genedl gyfiawn.

6Cyngor y gorthrymedig a waradwyddwch,

Am “fod” Iehova yn obaith iddo. —

7Pwy a rydd o Sion waredigaeth i Israel? —

Pan adfero Iehova gaethglud ei bobl,

Gorfoledda Jacob, llawenycha Israel.

NODAU

Mae’r Salm hon a’r 33 yr un bron air y’ngair, oddieithr y bummed a’r chweched adnod. Mae’r ddwy yn un yn y 53, ac amrywiant gryn lawer. — Peth arall yw, rhoddir tair adnod i mewn ar ol y drydedd, y’nghyfieithiad y Llyfr Gweddi Gyffredin, ag nad ydynt yn yr Hebraeg. Cymmerwyd hwynt o’r LXX: a dygwyd hwynt i mewn yno, mae’n debyg, o’r drydedd bennod o’r Rhufeiniaid, gan ryw gopiydd o’r LXX mewn rhyw oes neu gilydd. Nid ydynt ym mhob copi o’r LXX.