Salmau 4 - Welsh Psalms 1-20 and selection of Ruth and Isaiah 1830-35 (Ioan Tegid)

Salm IV.I’r Pencerdd ar y tanau: Cerdd o eiddo Dafydd,

1Pan alwyf, ateb fi, fy Nuw, fy nghyfiawnder;

Mewn cyfyngder ehengaist arnaf:

Bydd raslawn wrthyf, a gwrando fy ngweddi.

2Meibion dynion! pa hyd “y bydd” fy ngogoniant yn warth —

Y cerwch oferedd — y ceisiwch gelwydd! Selah.

3Ond gwybyddwch neillduo o Iehova y duwiol iddo ei hun:

Iehova a wrendy pan alwyf arno.

4Dychrynwch, ac na phechwch;

Ymddiddanwch â’ch calon ar eich gwely, a thewch. Selah.

5Aberthwch ebyrth cyfiawnder,

Ac hyderwch yn Iehova.

6Llawer a ddywedant —

‘Pwy a ddengys i ni ddaioni?’ —

Dyrcha arnom lewyrch dy wyneb, Iehova

.

7Rhoddaist lawenydd yn fy nghalon i,

Rhagor na’r pryd yr amlhaodd eu hŷd a’u gwin hwynt.

8Mewn hedd y gorweddaf, ac yr hunaf hefyd;

Canys ti, Iehova, yn unig a wnei i’m drigo yn ddiogel.