Salmau 5 - Welsh Psalms 1-20 and selection of Ruth and Isaiah 1830-35 (Ioan Tegid)

Salm V.I’r Pencerdd ar y pibyddion, fy myfyrdod:

2Erglyw lef fy ngwaedd, fy Mrenin a’m Duw;

Canys arnat yr erfyniaf.

3 Iehova; yn y bore y clywi fy llef;

Yn y bore y trefnaf erddot, ac y gwyliaf:

4Canys nid Duw yn hoffi annuwioldeb “wyt” ti;

Nid annedda gyda thi ddrygioni.

5Ni saif ymffrostwyr;

O herwydd y rhai a’m gwyliant,

Uniona o’m blaen dy ffordd.

9Canys nid “oes” yn eu genau gywirdeb;

Eu ceudod “sy” ’n drawsedd, bedd agored “yw” eu ceg;

A’u tafod y gwenieithiant.

10Euogfarna hwynt, O Dduw,

Syrthiant oddiwrth eu cynghorion;

Am amlder eu troseddau gỳr hwynt ymaith;

Canys gwrthryfelasant yn dy erbyn.

11Ond llawenhaed pawb a ymddiriedant ynot;

Dros byth y llawenychant gan y gorchuddi drostynt;

Ië, gorfoledded ynot y rhai a garant dy enw:

12Canys ti, Iehova, a fendithi’r cyfiawn; Caredigrwydd, fel tarian, a’i hamgylcha.