Salmau 6 - Welsh Psalms 1-20 and selection of Ruth and Isaiah 1830-35 (Ioan Tegid)

Salm VI.I’r Pencerdd ar y tanau — ar yr wythfed: Cerdd o eiddo Dafydd.

1 Iehova, yn dy ddig na cherydda fi,

Ac yn dy lid na chospa fi.

2Bydd raslawn wrthyf, Iehova, canys llesg iawn wyf;

Iacha fi, Iehova, canys dychrynwyd fy esgyrn;

3Ië, dychrynwyd fy enaid yn ddirfawr:

A thi, Iehova, pa hyd? —

4Dychwel, Iehova, rhyddha fy enaid;

Achub fi er mwyn dy drugaredd:

5Canys nid oes yn angeu gôf am danat;

Yn y bedd, pwy a’th glodfora?

6Diffygiais gan fy ochain,

Nofiaf bob nos fy ngwely,

Erchwyn fy ngwely a wlychaf â’m dagrau.

7Treuliodd gan gyffro fy llygad,

Suddodd o herwydd fy ngorthrymwyr.

8Ciliwch oddi wrthyf holl weithredwyr drygioni:

Canys clywodd Iehova lef fy wylofain,

9Clywodd Iehova fy erfyniad;

Iehova a dderbyn fy ngweddi.

10Gwaradwyddir a mawr ddychrynir fy holl elynion;

Dymchwelir, gwaradwyddir hwynt yn ddisymmwth.