Salmau 13 - Welsh Psalms 1-20 and selection of Ruth and Isaiah 1830-35 (Ioan Tegid)

Salm XIII.I’r Pencerdd. Salm o eiddo Dafydd.

1Pa hyd, Iehova? a anghofi fi dros byth?

Pa hyd y dirgeli dy wyneb rhagof?

2Pa hyd y trefnaf gynghorion yn fy enaid?

“A” gofid yn fy nghalon beunydd?

Pa hyd y dyrcha fy ngelyn uwchlaw i mi?

3Edrych, — ateb fi, Iehova fy Nuw;

Goleua fy llygaid, rhag yr hunwyf yn angeu,

4Rhag dywedyd o’r gelyn, ‘Gorfodais ef.’

Fy ngorthrymwyr a orfoleddant, os llithraf.

5Ond myfi, yn dy drugaredd y gobeithiaf:

Gorfoledda fy nghalon am dy waredigaeth.

Canaf i Iehova, pan gyfnewidio arnaf.