Salmau 16 - Welsh Psalms 1-20 and selection of Ruth and Isaiah 1830-35 (Ioan Tegid)

Salm XVI.Aurog: eiddo Dafydd.

1Cadw fi, O Dduw, canys ymddiriedais ynot;

2Dywedais wrth Iehova fy Nghynnalydd, —

‘Ti yw fy naioni, — nid “oes” dim hebddot.’

3Am y saint sydd ar y ddaear — hwy,

Ië, fy rhai rhagorol, — fy holl hyfrydwch sydd ynddynt.

4Amlha eu gofidiau hwy a gynnysgaeddant “Dduw” arall:

Ni thywalltaf eu tywalltiadau o waed;

Ac ni chymmeraf eu henwau ar fy ngwefusau.

5 Iehova yw rhan fy nosparth a’m cwpan;

Ti a gynheli fy nghoelbren.

6Syrthiodd y llinynau i mi mewn hyfrydfanau,

Ië, etifeddiaeth hardd sydd genyf.

7Bendithiaf Iehova sydd yn fy nghynghori;

Ië, fy arenau a’m rhybuddiant y nosweithiau.

8Gosodais Iehova ger fy mron yn wastad

Am “ei fod” ar fy neheulaw, ni’m symudir.

9Gan hyny llawenha fy nghalon, a gorfoledda fy ngogoniant;

Ië, fy nghnawd a babella yn hyderus.

10Canys ni adewi fy enaid yn y beddrod,

Ac ni roddi dy sant i weled llygredigaeth.

11Peri i mi wybod llwybr bywyd;

Digonedd o bob llawenydd “sydd” ger dy fron,

Pob hyfrydwch ar dy ddeheulaw byth.